செய்தி
(2ம் இணைப்பு)
 
ஐ.நா. பொதுச்சபையின் 67வது கூட்டத்தொடரில் மகிந்த பங்கேற்கமாட்டார்! ஆங்கில ஊடகம்
[ வெள்ளிக்கிழமை, 21 செப்ரெம்பர் 2012, 08:04.09 AM GMT ]
ஐ.நா பொதுச்சபையின் 67வது கூட்டத்தொடரில் போர்க்குற்றவாளி மகிந்த ராஜபக்ச பங்கேற்கமாட்டார் என்று ஆங்கில ஊடகம் ஒன்று தகவல் வெளியிட்டுள்ளது.

நியூயோர்க்கில் நடைபெறும் இந்தக் கூட்டத்தொடரில் போர்க்குற்றவாளி மகிந்த ராஜபக்ச வரும் 26ம் நாள் பிற்பகல் அமர்வில் உரையாற்ற நேரம் ஒதுக்கப்பட்டிருந்தது.

இலங்கை ஜனாதிபதி வருகை உறுதிப்படுத்தப்பட்ட பின்னரே, அவருக்கான நேரம் ஒதுக்கப்பட்டு, ஐ.நாவின் நிகழ்ச்சி நிரலில் சேர்க்கப்பட்டது.

இந்தநிலையில் அவர் தனது அமெரிக்கப் பயணத்தைத் திடீரெனக் கைவிட்டுள்ளதாக அறிவிக்கப்பட்டுள்ளது.

இலங்கை ஜனாதிபதிக்குப் பதிலாக வெளிவிவகார அமைச்சர் ஜி.எல்.பீரீஸ் தலைமையிலான குழு இந்தக் கூட்டத்தில் பங்கேற்கும் என்று கூறப்படுகிறது.

ஐ.நா பொதுச்சபைக் கூட்டத்தில் பங்கேற்க வரும் போர்க்குற்றவாளியை கண்டித்து புலம்பெயர் தமிழர்கள் பேரணி நடத்த அழைப்பு விடுத்திருந்த நிலையிலேயே, இந்தப் பயணத்தை அவர் திடீரெனக் கைவிட்டுள்ளதாக தகவல் வெளியாகியுள்ளது.

போர்க்குற்றவாளி மகிந்த ராஜபக்சவின் பயணம் திடீரெனக் கைவிடப்பட்டதற்கான காரணம் ஏதும் வெளியிடப்படவில்லை.

2ம் இணைப்பு

ஐ.நாவிற்கான மகிந்த ராஜபக்சவின் அமெரிக்கப் பயணம் ரத்தானது ! நாடுகடந்த தமிழீழ அரசாங்கத்திற்கு கிடைத்த வெற்றியா!

ஐக்கிய நாடுகள் சபையின் வருடாந்தக் கூட்டத்தில் பங்கெடுத்து உரையாற்றவிருந்த இலங்கை அரசுத் தலைவர் மகிந்த ராஜபக்சவின் அமெரிக்கப் பயணம் இடைநிறுத்தப்பட்டுள்ளதாக கொழும்புச் செய்திகள் தெரிவித்துள்ளன.

இலங்கை அரசுத் தலைவர் மகிந்த ராஜபக்சவின் வருகைக்கு எதிராக, செப்ரெம்பர் 26ம் திகதி சனிக்கிழமையன்று நியூயோர்க்கில் உள்ள ஐ.நா தலைமையகத்திற்கு முன்னால், நாடுகடந்த தமிழீழ அரசாங்கத்தின் அழைப்பின் பேரில், அமெரிக்க மற்றும் கனேடியத் தமிழர்கள் கவனயீர்ப்பு போராட்டமொன்றிற்கு தயாராகி வரும் நிலையில், மகிந்த ராஜபக்சவின் அமெரிக்கப் பயணம் ரத்தாகியுள்ள செய்தி வெளிவந்துள்ளது.

இதேவேளை, பிரதமர் வி.உருத்திரகுமாரன் அவர்கள் வழக்காடும், மகிந்த ராஜபக்சவிற்கு அமெரிக்க அரசினால் வழங்கப்படும் இராஜதந்திர விலக்கிற்கு எதிரான வழக்கினை, அமெரிக்க மாவட்ட நீதிமன்றமொன்று தள்ளுபடி செய்துள்ள போதும், இவ்வழக்கினை மேன்முறையிட்டு நீதிமன்றுக்கு கொண்டு செல்லப்படவுள்ள நிலையில், மகிந்த ராஜபக்சவின் அமெரிக்கப் பயணம் ரத்தாகியுள்ளது.

இவ்விவகாரம் குறித்து இலங்கை அரச வட்டாரங்கள் உத்தியோகபூர்வமாக எதனையும் தெரிவிக்கவில்லை.

இலங்கை அரசுத் தலைவரது லணடன் பயணங்கள் அவருக்கு கசப்பான அனுபவங்களை ஏற்கனவே கொடுத்துள்ள நிலையில், மேற்குலக நாடுகளுக்கான மகிந்தவின் பயணங்கள் பெரும் சவால் மிகுந்ததாகவே உள்ளது.

நாடுகடந்த தமிழீழ அரசாங்கத்தின் முனைப்பில் மகிந்த ராஜபக்சவிற்கு எதிரான வழக்கு மற்றும் கவனயீர்ப்பு போராட்டம் ஆகியனவற்றின் ஊடாக, மீண்டும் ஒரு தடவை சர்வதேச அரங்கொன்றில் அசிங்கப்பட்டு நாடுதிரும்புவதை  இலங்கை அரசுத் தலைவர் விரும்பாமை காரணமாகவே இப்பயணம் ரத்தாகியிருப்பின், அது நாடுகடந்த தமிழீழ அரசாங்கத்திற்கு கிடைத்த வெற்றியாக கருதலாமென அரசியல் அவதானிகள் தெரிவிக்கின்றனர்.

மகிந்த ராஜபக்சவினது அமெரிக்கப் பயணம் ரத்தாகியுள்ளதாக செய்தி வெளிவந்துள்ள நிலையில் மகிந்தவிற்கு எதிரான 'பொங்குதமிழ்' கவனயீர்ப்பு எழுர்ச்சி நிகழ்வு இறுதிநேரம் வரை தயார் நிலையிலேயே இருக்குமென நாடுகடந்த தமிழீழ அரசாங்க வட்டாரங்கள் தெரிவித்துள்ளன.

Content of Popup
பிந்திய 5 செய்திகள்
[ Saturday, 19-04-2014, 01:42.58 PM ]
ஜெனீவாவில் நிறைவேற்றப்பட்ட இலங்கைக்கு எதிரான யோசனை தொடர்பில் இலங்கையின் நிலைப்பாட்டில் மாற்றம் இல்லை என்று ஜெனீவாவுக்கான வதிவிடப் பிரதிநிதி ரவிநாத் ஆரியசிங்க மீண்டும் தெரிவித்துள்ளார்.
[ Saturday, 19-04-2014, 01:26.24 PM ]

இலங்கை அரசாங்கத்தின் சர்வாதிகாரப் போக்கினைக் கண்டித்து தமிழர் ஒருங்கிணைப்புக் குழு அறிக்கையொன்றினை வெளியிட்டுள்ளது.

[ Saturday, 19-04-2014, 12:36.09 PM ]
கையடக்கத் தொலைபேசிப் பயன்பாடு எங்களிடம் மிகவும் அதிகம் என்பதை திரும்பத் திரும்ப நாம் சொல்வது அவ்வளவுக்கு நல்லதல்ல. எனினும் சில விடயங்களைத் திரும்பத் திரும்பச் சொல்லித்தானாக வேண்டும் என்ற சூழ்நிலை ஏற்பட்டுவிட்டது.
[ Saturday, 19-04-2014, 12:04.48 PM ]
நீர்கொழும்பு நகருக்கு வழங்கப்பட்டு வந்த பாதுகாப்பை மேலும் பலப்படுத்த பாதுகாப்பு தரப்பினர் நடவடிக்கை எடுத்துள்ளனர்.
[ Saturday, 19-04-2014, 11:46.08 AM ]
தொண்டமான் ஆற்றுக் கடல் நீரேரியில் பெரும் எண்ணிக்கையில் மீன்கள் இறந்து மிதப்பதற்கான காரணம் ஆற்று நீரில் ஏற்பட்டுள்ள ஓட்சிசன் பற்றாக்குறைவே என்று வடமாகாண விவசாய அமைச்சர் பொ.ஐங்கரநேசன் தெரிவித்துள்ளார்.
[ Saturday, 19-04-2014 06:21:29 GMT ]
வரலாற்றில் இன்றைய தினம்: 1882 - பரிணாம வளர்ச்சி கோட்பாட்டை கண்டறிந்த சார்லஸ் டார்வின் இறந்த நாள்.
[ Saturday, 19-04-2014 07:56:53 GMT ]
தேர்தல் பிரசாரம் சூடி பிடித்துள்ள நிலையில் ஜெயலலிதாவிடம் கேள்வி ஒன்றை மு.க.ஸ்டாலின் எழுப்பியுள்ளார்.
[ Saturday, 19-04-2014 13:37:52 GMT ]
ஐ.பி.எல் போட்டிகளில் பங்கேற்கும் வீரர்களின் ஓட்டுக்கள் வீணாக போவதாக விமர்சனங்கள் எழுந்துள்ளன.
[ Saturday, 19-04-2014 05:21:46 GMT ]
தற்போது மொபைல் சாதனங்களில் தரவு, தகவல்களை சேமிப்பதில் microSD கார்ட்களின் பங்கு முக்கியத்துவம் வாய்ந்ததாக காணப்படுகின்றது.
[ Saturday, 19-04-2014 12:53:58 GMT ]
சமுத்திரக்கனி இயக்கத்தில் ஜெயம் ரவி, அமலாபால் ஜோடியாக நடித்த படம் நிமிர்ந்து நில்.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Thursday, 17-04-2014 21:04:17 ] []
சேது புகழ் சீயான் விக்ரம் மற்றும் விஜய் தொலைக்காட்சி நட்சத்திரங்கள் கலந்துகொண்டு சிறப்பிக்கும் ஸ்டார் விஜய் நைட் நிகழ்ச்சி லண்டனில் நடைபெறவிருக்கின்றது.