செய்தி
பிரதம நீதியரசருக்கு எதிரான குற்றப் பிரேரணை பாராளுமன்ற தெரிவுக்குழு நியமனம்
[ செவ்வாய்க்கிழமை, 13 நவம்பர் 2012, 11:47.48 PM GMT ]
பிரதம நீதியரசர் சிராணி பண்டாரநாயக்கவுக்கு எதிரான குற்றப் பிரேரணையை விசாரணை செய்வதற்காக சபாநாயகர் சமல் ராஜபக்‌ஷ நாளை பாராளுமன்றத் தெரிவுக்குழுவை நியமிப்பார் என்று பிரதி சபாநாயகர் சந்திம வீரக்கொடி தெரிவித்தார்.

இத்தெரிவுக் குழுவுக்கான தலைவரும் சபாநாயகரினால் நியமிக்கப்படுவார் என்றும் அவர் குறிப்பிட்டார். பிரதம நீதியரசர் சிராணி பண்டாரநாயக்கவுக்கு எதிராக 117 ஆளும் தரப்பு எம்.பி.க்களின் கையொப்பத்துடன் கூடிய குற்றப் பிரேரணை சபாநாயகரிடம் கையளிக்கப்பட்டது.

இதனை விசாரிப்பதற்காக 11 பேர் கொண்ட குழு நியமிக்கப்பட உள்ளதோடு, இதற்காக ஆளும் தரப்பு சார்பாக 7 பேரின் பெயரும், எதிர்த்தரப்பு சார்பாக 4 பேரின் பெயரும் சிபாரிசு செய்யப்பட்டுள்ளது.

இவர்களின் விபரங்கள் பாராளுமன்ற செயலாளர் நாயகத்திற்கு வழங்கப்பட்டுள்ளதாகவும் பிரதி சபாநாயகர் கூறினார்.

பாராளுமன்றம் நாளை காலை 9.30 மணிக்கு கூடும்போது பிரதம நீதியரசருக்கு எதிரான குற்றப்பிரேரணையை விசாரணை செய்ய தெரிவுக்குழு நியமிப்பது குறித்து சபாநாயகர் விசேட அறிவித்தல் ஒன்றை வெளியிட உள்ளார் எனவும் அவர் கூறினார்.

மேற்படி தெரிவுக்குழுவுக்கு ஆளும் தரப்பு சார்பாக அமைச்சர்களான நிமல் ஸ்ரீபால டி சில்வா, அநுர பிரியதர்சன யாப்பா, சுசில் பிரேம் ஜெயந்த், டொக்டர் ராஜித சேனாரத்ன, விமல் வீரவங்ச, டிலான் பெரேரா மற்றும் பிரதி அமைச்சர் நியோமால் பெரேரா ஆகியோர் நியமிக்கப்பட்டுள்ளனர். எதிர்த்தரப்பு சார்பாக எம்.பி.க்களான ஜோன் அமரதுங்க, லக்ஷ்மன் கிரியெல்ல, விஜித ஹேரத், ஆர். சம்பந்தன் ஆகியோர் நியமிக்கப்பட்டுள்ளனர்.

சபாநாயகரினால் நாளை நியமிக்கப்படவுள்ள இந்த பாராளுமன்றத் தெரிவுக்குழு ஒருமாத காலத்தில் தனது விசாரணை அறிக்கையை சபாநாயகரிடம் சமர்ப்பிக்க உள்ளதாகவும் பிரதி சபாநாயகர் கூறினார்.

தெரிவுக்குழுவிற்கான தலைவர் நாளை நியமிக்கப்பட்ட பின்னர், அதே தினத்தில் இருந்து தெரிவுக்குழு கூட முடியும் எனவும், அது குறித்து தெரிவுக்குழுத் தலைவர் தீர்மானிப்பார் எனவும் பிரதி சபாநாயகர் தெரிவித்தார். பாராளுமன்றத்தில் 2013 ஆம் ஆண்டிற்கான வரவு செலவுத் திட்ட விவாதம் நடைபெறுகிற போதும், தெரிவுக்குழுவின் செயற்பாடுகளுக்கு இதனால் எதுவித தடங்கலும் எழாது எனவும், தெரிவுக்குழு விசாரணைகள் புறம்பாகவே இடம்பெறும் என்றும் அவர் குறிப்பிட்டார்.

இத் தெரிவுக்குழுவின் இறுதி அறிக்கை இறுதியாக பாராளுமன்றத்தினூடாக ஜனாதிபதிக்கு கையளிக்கப்படும். பிரதம நீதியரசர் தொடர்பில் ஜனாதிபதியாலே இறுதி முடிவு எடுக்கப்படும் என்பது குறிப்பிடத்தக்கது.

Content of Popup
பிந்திய 5 செய்திகள்
[ Friday, 24-10-2014, 03:04.24 PM ]
யாழ்ப்பாணத்துக்கான ரயில் போக்குவரத்து சேவைகள் அதிகரிக்கப்படவுள்ளதாக ரயில்வே திணைக்களம் தெரிவித்துள்ளது.
[ Friday, 24-10-2014, 02:51.39 PM ]
வரவு செலவுத் திட்ட உரையை முடித்துவிட்டு வெளியே வந்த ஜனாதிபதி மஹிந்த ராஜபக்ஷ எதிர்க்கட்சி நாடாளுமன்ற உறுப்பினர்களை கடுப்படித்துள்ளார்.
[ Friday, 24-10-2014, 02:45.22 PM ]
தேர்தலுக்கு முன்னர் பொதுமக்களை முட்டாளாக்கும் வரவு செலவுத்திட்டமே இன்று அரசாங்கத்தினால் நாடாளுமன்றத்தில் சமர்ப்பிக்கப்பட்டுள்ளதாக ஐக்கிய தேசியக்கட்சி தெரிவித்துள்ளது.
[ Friday, 24-10-2014, 02:40.28 PM ]
சர்வதேச செஞ்சிலுவைச் சங்கத்தால் வரட்சியால் பாதிக்கப்பட்டுள்ள விவசாயிகளை மீண்டும் புத்துயிர் பெறவைக்கும் நல்ல நோக்கத்துடன் 80 இலட்சம் நிதியில் தருமபுரம் கிழக்கு, மேற்கு விவசாயிகளுக்கு விதை நெல் வழங்கும் நிகழ்வு இன்று நடைபெற்றது.
[ Friday, 24-10-2014, 02:26.57 PM ]
இலங்கை மேல் நீதிமன்றங்களில் பணியாற்றும் 75 நீதிபதிகளுக்கு அரசாங்கம் இன்று முதல் மூன்று நாள் சுகபோக சுற்றுலா பயணம் ஒன்றை ஏற்பாடு செய்து கொடுத்துள்ளதாக தகவல்கள் வெளியாகியுள்ளன.
[ Friday, 24-10-2014 11:22:25 GMT ]
இறந்து போன இதயத்தை மீண்டும் உயிர்ப்பித்து மற்றொரு நோயாளிக்கு வெற்றிகரமாக பொருத்தி மருத்துவர்கள் சாதனை படைத்துள்ளனர்.
[ Friday, 24-10-2014 12:03:24 GMT ]
தமிழ் திரையுலகில் தனக்கென்று தனி முத்திரை பதித்த எஸ்.எஸ். ராஜேந்திரன் அவர்களின் இடத்தை இனி எவராலும் நிரப்ப முடியாது என்று அதிமுக பொதுச் செயலாளரும், தமிழக முன்னாள் முதல்வருமான ஜெயலலிதா இரங்கல் தெரிவித்துள்ளார்.
[ Friday, 24-10-2014 09:19:44 GMT ]
பிரேசில் வீரர்கள் எளிமையான செருப்பு, காதில் அணிவிக்கப்படும் தோடு, தொப்பி ஆகியவற்றை தவிர்க்க வேண்டும் என்று பயிற்சியாளர் துங்கா கூறியுள்ளார்.
[ Friday, 24-10-2014 10:18:57 GMT ]
நீங்கள் தினமும் சாப்பிடும் உணவுகளை பொறுத்து தான் உங்களது உடல்நலனும், அழகும் அமையும்.
[ Friday, 24-10-2014 03:25:25 GMT ]
நிருஷாந்த் அவர்கள் இயக்கி, ஒளிப்பதிவு செய்து வரும் குறும்படம் ரத்தச்சுவடு.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Friday, 24-10-2014 02:27:22 ]
1956 ம் ஆண்டிலிருந்து 60 வருடங்களாக இலங்கையில் தமிழ் இனம் சிந்திய இரத்தம், இழந்த உயிர்கள், உடமைகள் சொத்துக்கள் எண்ணி முடியாது.