செய்தி
பிரதம நீதியரசருக்கு எதிரான நடவடிக்கைகளை இலங்கை அரசு மறுபரிசீலனை செய்ய வேண்டும்: ஐ.நா சிறப்பு பிரதிநிதி
[ வெள்ளிக்கிழமை, 16 நவம்பர் 2012, 03:52.29 AM GMT ]

இலங்கையின் பிரதம நீதிபதி ஷிராணி பண்டாரநாயக்கவை பதவிநீக்கம் செய்யும் ஒழுங்காற்று நடவடிக்கைகளை இலங்கை அரசு மறுபரிசீலனை செய்ய வேண்டும் என்று நீதிபதிகள் மற்றும் வழக்கறிஞர்களின் தனித்துவத்துக்கான ஐநா மன்றத்தின் சிறப்பு பிரதிநிதி கேப்ரியல் க்னவுல் கோரியுள்ளார்.

அப்படி இல்லாத நிலையில் ஷிரானி பண்டாரநாயக்க மீதான ஒழுங்காற்று நடவடிக்கைகள் அடிப்படை மனித உரிமைகள் மற்றும் நியாயமான நடைமுறைகளின் அடிப்படையில் அமையவேண்டும் என்றும் அவர் தெரிவித்திருக்கிறார்.

உச்சநீதிமன்ற நீதிபதிகளை நீக்குவது தொடர்பான இலங்கை அரசியல் சட்டத்தின் 107ஆவது பிரிவின் மூலம் இலங்கை நாடாளுமன்றம், இலங்கையின் நீதித்துறையின் மீது கணிசமான செல்வாக்கை செலுத்துவதாக தெரிவித்திருக்கும் கேப்ரியல் க்னவுல், இது இலங்கை நாடாளுமன்றத்திற்கும் நீதித்துறைக்கும் இடையிலான அதிகாரப்பகிர்வு என்கிற தத்துவத்திற்கு எதிராக இருப்பதாகவும், சிவில் மற்றும் அரசியல் உரிமைகளுக்கான சர்வதேச ஒப்பந்தங்களுக்கு எதிராக இருப்பதாகவும் தெரிவித்திருக்கிறார்.

இலங்கையின் நீதித்துறை குறித்து விடுத்திருக்கும் விரிவான அறிக்கையில், இலங்கையில் நீதிபதிகள் மற்றும் நீதித்துறை அலுவலர்கள் மீதான அழுத்தங்கள் மற்றும் தாக்குதல்கள் தொடர்பான செய்திகள் தொடர்பில் அவர் ஆழ்ந்த கவலை வெளியிட்டிருக்கிறார்.

இலங்கை நீதித்துறையின் சுயாதீனத்தன்மை மீதான தாக்குதல்கள், அச்சுறுத்தல்கள், பதில் நடவடிக்கைகள் மற்றும் தலையீடுகளின் ஒருபகுதியாகவே இந்த நடவடிக்கைகள் அமைவதாக கொள்ளவேண்டி வரும் என்றும் அவர் எச்சரித்திருக்கிறார்.

இலங்கை நீதித்துறை அதிகாரிகள் மீது நேரடி தாக்குதல்களோ மறைமுக அழுத்தங்களோ இல்லாமல் அவர்கள் தங்களின் தொழில்ரீதியிலான அலுவல்களை எந்தவித அச்சமும், முறையற்ற தலையீடும், வெளியார் அழுத்தங்களும் இல்லாமலும் இலங்கையின் சர்வதேச கடப்பாடுகளுக்கு அமையும் வகையிலும் செய்யக்கூடிய சூழலை இலங்கை அரசு உருவாக்கவேண்டும் என்றும் அவர் கோரியிருக்கிறார்.

இலங்கையின் நீதித்துறை மீதான தாக்குதல்கள் மற்றும் தலையீடுகள் தொடர்பாக இலங்கை அரசு உண்மையான விசாரணைகளை நடத்துவதில்லை என்றும், இதை செய்தவர்கள் அதற்கு பொறுப்பாக்கப்படுவதில்லை என்றும் சுயாதீனமான மனித உரிமை நிபுணர்கள் அறிக்கை அளித்திருப்பதாகவும் கேப்ரியல் க்னவுல் தெரிவித்திருக்கிறார்.

இலங்கை நீதிபதிகளை பதவிநீக்கம் செய்யமுடியாத தன்மையானது அந்நாட்டின் நீதித்துறையின் சுயாதீனத்தன்மையை தாங்கும் முக்கிய தூணாக இருப்பதாகவும் மிகவும் அரிதான சந்தர்ப்பங்களில் மட்டுமே இந்த கொள்கையில் தலையீடுகள் இருக்கவேண்டும் என்றும் தெரிவித்திருக்கும் கேப்ரியல் க்னவுல், நவம்பர் முதல் தேதி இலங்கை நாடாளுமன்றத்தினால் முன்னெடுக்கப்பட்டிருக்கும் தலைமை நீதிபதி ஷிராணி பண்டாரநாயக்க மீதான பதவிநீக்க நடவடிக்கைகள் தொடர்பாக தனது சங்கடங்களையும் தெரிவித்திருக்கிறார்.

மிகமோசமான நடத்தைகள் அல்லது திறமையற்ற தன்மை ஆகியவை காரணமாக மட்டுமே நீதிபதிகள் பதவி நீக்கம் செய்யப்படலாம் என்றும் அதுவும்கூட முறையான சட்ட நடைமுறைகளின் அடிப்படையிலான நியாயமான வழக்கு விசாரணைகள் நடந்த பின்னரே அது செய்யப்பட வேண்டும் என்றும் அவர் கூறியிருக்கிறார்.

இந்த வழக்கு நடைமுறைகளின் முடிவுகள் கூட சுயாதீனமான மீளாய்வுக்குட்பட்டதாக இருக்க வேண்டும் என்றும் அவர் வலியுறுத்தியுள்ளார். சுயாதீனமான நீதிபதிகளை பழிவாங்குவதற்கான ஒரு வழிமுறையாக ஒழுங்காற்று நடவடிக்கைகளை பயன்படுத்துவதை ஏற்கமுடியாது என்றும் கேப்ரியல் க்னவுல் கண்டித்திருக்கிறார்.

Content of Popup
பிந்திய 5 செய்திகள்
[ Monday, 22-09-2014, 12:02.56 AM ]
இலங்கையில் நடந்துமுடிந்த ஊவா மாகாணசபைத் தேர்தலில் ஆளும் ஐக்கிய மக்கள் சுதந்திரக் கூட்டமைப்பு வெற்றி பெற்றுள்ள போதிலும், அக்கட்சியின் வாக்குப்பலம் வெகுவாகக் குறைந்துள்ளது.
[ Sunday, 21-09-2014, 11:40.25 PM ]

யாழ்ப்பாணத்துக்கான ரயில் சேவை, எதிர்வரும் ஒக்டோபர் மாதம் 13ம் திகதி, ஜனாதிபதி மஹிந்த ராஜபக்சவினால் ஆரம்பித்து வைக்கப்படவுள்ளது.

[ Sunday, 21-09-2014, 04:52.49 PM ]
தமிழீழ விடுதலைப் போராட்டத்தில், இந்திய படைகளுக்கு எதிராக உண்ணாநிலை அறப்போர் நடத்தி உயிர்நீத்த தியாக தீபம் லெப். கேணல் திலீபனின் 27 வது ஆண்டு நிகழ்வுகள் அவுஸ்ரேலியா, சிட்னி இன்று இடம் பெற்றது.
[ Sunday, 21-09-2014, 04:42.52 PM ]
ஊவா மாகாண சபைத் தேர்தலில் ஐக்கிய மக்கள் சுதந்திரக் கூட்டமைப்புக்குக் கிடைத்த வெற்றி, அரசின் அபிவிருத்தி வேலைத் திட்டங்களை மேலும் வேகமாக முன்னோக்கி கொண்டு செல்ல வழங்கப்பட்ட மக்கள் வாக்கு என ஜனாதிபதி மஹிந்த ராஜபக்ஷ தெரிவித்துள்ளார்.
[ Sunday, 21-09-2014, 04:26.03 PM ]
முல்லைத்தீவில் வறட்சியினால் பாதிக்கப்பட்ட மக்களுக்காக வழங்கப்பட்டுள்ள நிவாரண உதவித் திட்டத்திற்கு 4 பிரதேச செயலகங்களிலிருந்து தெரிவு செய்யப்பட்டிருக்கும் பயனாளிகளை விட, அதிகளவான பயனாளிகள் இம்மாவட்டத்துடன் சட்டபூர்வமாக இணைக்கப்படாத வெலி ஓயா பிரதேச செயலர் பிரிவிலிருந்து தெரிவாகியுள்ளமை அம்பலமாகியுள்ளது.
[ Sunday, 21-09-2014 10:43:58 GMT ]
ஐ.எஸ்.ஐ.எஸ் தீவிரவாதிகள் பிடியில் சிக்கி இருக்கும் இங்கிலாந்து நாட்டை சேர்ந்த ஆலன் ஹென்னிங்கை உயிருடன் விட்டுவிடுமாறு அவரது மனைவி கோரிக்கை விடுத்துள்ளார்.
[ Sunday, 21-09-2014 13:57:50 GMT ]
சென்னையில் பள்ளி மாணவ, மாணவிகள் பிச்சைகாரர்களுக்கு புதிய வாழ்க்கையை அமைத்து கொடுத்துள்ளார்கள்.
[ Sunday, 21-09-2014 13:13:00 GMT ]
சிறுவர்களின் வாழ்வை உயர்த்த எவ்வித போராட்டங்களையும் எதிர்கொள்ள தயார் என இலங்கை அணியின் நட்சத்திர ஆட்டக்காரர் மஹேல ஜெயவர்த்தனே தெரிவித்துள்ளார்.
[ Sunday, 21-09-2014 13:39:39 GMT ]
பாலூட்டும் பெண்களுக்கு அதிகமாக தாய்ப்பால் சுரக்க சில சத்தான உணவுகளை சாப்பிட வேண்டும்.
[ Sunday, 21-09-2014 06:58:19 GMT ]
கடந்த சில வருடங்களாக விக்ரம் நடித்த எந்த படங்களும் சரியாக போகவில்லை.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Sunday, 21-09-2014 09:10:45 ]
இப்பொழுது சிறிலங்காவின் வானொலி, தொலைக்காட்சி, பத்திரிகைகள், இணையத்தளங்கள் போன்றவற்றுடன், புலம்பெயர் தேசங்களில் இலங்கையர் கூடும் சமூக ஒன்று கூடல்கள், பொது இடங்கள் யாவும் கதைக்கப்படும் விடயம்,பொது ஜனதிபதி வேட்பாளார் பற்றியதாகவே உள்ளது.