செய்தி
 Photo
வெளிநாட்டிலிருந்து போலிப் பிரசாரம் செய்வோர் நேரில் வந்து உண்மையை அறிய வேண்டும்! - கோத்தபாய
[ வியாழக்கிழமை, 18 ஏப்ரல் 2013, 08:29.30 PM GMT ]
தவறான பிரசாரத்தை முன்னெடுத்துக் கொண்டு வெளிநாடுகளில் உள்ளவர்கள் இலங்கை வந்து உண்மை நிலைமையை அறிய வேண்டுமென பாதுகாப்பு மற்றும் நகர அபிவிருத்தி அமைச்சின் செயலாளர் கோத்தபாய ராஜபக்‌ஷ அழைப்பு விடுத்துள்ளார்.

தொப்பிக்கலவில் அமைக்கப்பட்ட பாரம்பரிய உரிமைகள் பூங்கா மற்றும் உயிர்நீத்த வீரர்களுக்காக அமைக்கப்பட்ட இராணுவ ஞாபகார்த்த தூபியைத் திறந்துவைக்கும் நிகழ்வில் கலந்து கொண்டு கருத்துத் தெரிவித்த போதே அவர் இவ்வாறு கூறினார்.

இங்கு கருத்துத் தெரிவித்த கோத்தபாய,

30 ஆண்டு யுத்த வெற்றிக்குப் பின்னர் இலங்கையில் சிங்கள, தமிழ், முஸ்லிம் மக்கள் ஒற்றுமையாக வாழ்கின்றனர். இதுபற்றி அறிந்துகொள்ளாத, இலங்கை வராதவர்கள் தற்பொழுது நாட்டுக்கு வந்து உண்மை நிலைமையை அறிந்துகொள்வதற்கான தருணம் ஏற்பட்டுள்ளது.

தொப்பிக்கல பகுதி வரலாற்றுப் பாரம்பரியம் மிக்க இடமாகும். இங்கு தமிழ், சிங்கள, முஸ்லிம் மக்கள் ஒற்றுமையாக வாழ்ந்தனர். எனினும், கடந்த காலங்களில் இந்த ஒற்றுமைக்குப் பெரும் பாதிப்பு ஏற்பட்டது. யுத்த வெற்றிக்குப் பின்னர் இங்கு அமைதிச் சூழல் ஏற்பட்டுள்ளது.

வடக்கு, கிழக்கிலுள்ள வரலாற்றுப் பாரம்பரியம்மிக்க இடங்கள் சுற்றுலாவுக்கும், கல்வி அறிவூட்டும் நோக்கிலும் மக்கள் பார்வையிட வசதிசெய்துகொடுக்கப்பட வேண்டும் என்றும் அவர் ஊடகங்களுக்குக் கருத்துத் தெரிவிக்கும்போது கூறினார்.

டில்மா நிறுவனத்தின் அனுசரணையுடன் 25 மில்லியன் ரூபா செலவில் அமைக்கப்பட்டிருக்கும் மரபுரிமைப் பூங்காவில், கிழக்கு மாகாண யுத்த வெற்றியின் ஞாபகார்த்தக் கண்காட்சிக் கூடமொன்றும் திறந்துவைக்கப்பட்டது. இந்நிகழ்வில் இராணுவத் தளபதி லெப்டினன்ட் ஜெனரல் ஜகத் ஜயசூரிய, விமானப்படைத் தளபதி எயார் மார்ஷர் ஹர்ஷ அபேவிக்கரம, பொலிஸ்மா அதிபர் என்.கே. இலங்கக்கோன், சிவில் பாதுகாப்பு திணைக்கள பணிப்பாளர் நாயகம் ரியர் அட்மிரல் ஆனந்தபீரிஸ் ஆகியோர் பங்கேற்றனர்.

இதன்போது இறுதி யுத்தத்தின்போது உயிர்நீத்த இராணுவ வீரர்களுக்காக ஒருநிமிட மெளனஞ்சலி அனுஸ்டிக்கப்பட்டதுடன், பாதுகாப்புச் செயலாளர் உள்ளிட்ட முக்கியஸ்தர்கள் நினைவுத் தூபிக்கு மலர்வளையம் வைத்து அஞ்சலி செலுத்தப்பட்டது.

தொப்பிகலையில் இராணுவ நினைவுத் தூபி திறப்பு

இலங்கை இராணுவத் தளபதி மேஜர் லெப்டினென்ட் ஜெனரல் ஜகத் ஜயசூரியவின் அனுசரணையின் கீழ் கிழக்கு இராணுவ கட்டளைத் தளபதி மேஜர் ஜெனரல் லால் பெரேராவின் அழைப்பின் பேரில் பாதுகாப்புச் செயலாளர் மட்டக்களப்பிற்கு விஜயம் செய்தார்.

30 வருட காலமாக தமிழீழ விடுதலைப் புலிகள் இயக்கத்திடமிருந்த தொப்பிகலைப் பிரதேசம் மீட்டெடுக்கப்பட்டதன் நினைவாக அங்கு நினைவுத்தூபி ஒன்று அமைக்கப்பட்டது.

அந்த நினைவுத்தூபியையே பாதுகாப்புச் செயலாளர் கோத்தபாய ராஜபக்ச இன்று திறந்து வைத்தார்.

அத்துடன் தொப்பிகலையில் இராணுவ பாரம்பரியத்தைக் கொண்ட பாரம்பரிய பூங்காவொன்றையும் திறந்து வைத்தார்.

இந்த நிகழ்வில் இலங்கை இராணுவத் தளபதி மேஜர் லெப்டினென்ட் ஜெனரல் ஜகத் ஜயசூரிய, இலங்கை கடற்படைத் தளபதி, விமானப் படைத்தளபதி, பொலிஸ் மாஅதிபர் என்.கே.இலங்கக்கோன், கிழக்கு மாகாண இராணுவ கட்டளைத் தளபதி மேஜர் ஜெனரல் லால் பெரேரா, கிழக்கு மாகாண சிரேஷ்ட பிரதிப் பொலிஸ்மா அதிபர் பூஜித ஜயசுந்தர, கிழக்கு மாகாண இராணுவ உயர் அதிகாரிகள், பொலிஸ் அதிகாரிகள் உட்பட பலரும் கலந்து கொண்டனர்.

2ம் இணைப்பு

இலங்கையில் விடுதலைப்புலிகளின் பயிற்சி முகாம் சுற்றுலாத் தலமாக மாற்றம்

இலங்கையின் கிழக்குப் பகுதியில் விடுதலைப் புலிகளின் பயிற்சி முகாமாக இருந்த இடம் இப்போது சுற்றுலாத் தலமாக மாற்றப்பட்டிருக்கிறது.

தனி ஈழம் கேட்டு 30 ஆண்டுகளாக ஆயுதம் ஏந்தி போராடிய விடுதலைப் புலிகளின் முக்கிய பயிற்சி முகாமாக விளங்கியது  தொப்பிகல புதர்காடுகள்.

அந்த இடத்தை 2007-ம் ஆண்டு இலங்கை இராணுவம் கைப்பற்றி தங்கள் கட்டுப்பாட்டிற்குள் கொண்டு வந்தது.

அதன்பின்னர், 2 மாதங்களில் புலிகள் தங்கள் வசம் இருந்த கிழக்குப் பகுதி முழுவதையும் இராணுவத்திடம் இழந்தது.

இதையடுத்து, அங்கு தங்கள் செல்வாக்கை நிலை நாட்டிய இலங்கை அரசு, அந்த இடத்தை பாரம்பரிய பூங்காவாக மாற்றி அதனை பாதுகாப்புத் துறை செயலாளர் கோத்தபாய ராஜபக்ச இன்று  திறந்து வைத்தார்.

பல இன மக்கள் வாழும் இப்பகுதியில் ஏராளமான தாவர வகைகள், விலங்கினங்கள் உள்ளதால் உள்நாட்டு மற்றும் வெளிநாட்டு சுற்றுலாப் பயணிகளிடையே வரவேற்பு இருக்கும் என்று கோத்தபாய தெரிவித்தார்.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Saturday, 23-08-2014, 07:23.24 AM ]
எதிர்வரும் ஜனாதிபதித் தேர்தலில் எதிர்க்கட்சிகளைப் பிளவுபடுத்தி வெற்றி பெறும் சதித்திட்டத்தை ஆளுங்கட்சி முன்னெடுத்துள்ளது.
[ Saturday, 23-08-2014, 06:45.25 AM ]
விடுதலைப் புலிகளின் தமிழீழ வைப்பகம் மூலம் கொடுப்பனவுகளை பெற்ற தமிழக அரசியல்வாதிகள் பற்றிய தகவல்களை விரைவில் வெளியிடப் போவதாக பாரதீய ஜனதா கட்சியின் தலைவர்களில் ஒருவரான சுப்ரமணியம் சுவாமி தெரிவித்துள்ளார்.
[ Saturday, 23-08-2014, 06:33.25 AM ]
காணாமல் போனோர் தொடர்பாக ஜனாதிபதி ஆணைக் குழுவின் அடுத்த கட்ட விசாரணைகள் கிளிநொச்சியில் ஆரம்பிக்கப்படவுள்ளது.
[ Saturday, 23-08-2014, 06:19.47 AM ]
ராஜபக்ஷ குடும்பத்தினரின் அதிகாரத்திற்காக இன ஐக்கியம் உட்பட அனைத்தும் இல்லாமல் போயுள்ளது என ஐக்கிய தேசியக் கட்சியின் களுத்துறை மாவட்ட நாடாளுமன்ற உறுப்பினர் பாலித தெவரப்பெரும தெரிவித்துள்ளார்.
[ Saturday, 23-08-2014, 06:11.19 AM ]
ஜனாதிபதித் தேர்தலில் போட்டியிட சூப்பர் ஸ்டார் ஒருவரை கொண்டு வர போவதாக ஐக்கிய தேசியக் கட்சியின் சிரேஷ்ட நாடாளுமன்ற உறுப்பினர் ஜோசப் மைக்கல் பெரேரா கூறியுள்ளதாகவும் ரணில் விக்ரமசிங்கவே அந்த கட்சியின் சூப்பர் ஸ்டார் எனவும் தேசிய சுதந்திர முன்னணியின் ஊடகப் பேச்சாளர் மொஹமட் முஸ்ஸாமில் தெரிவித்துள்ளார்.
[ Saturday, 23-08-2014 06:41:29 GMT ]
சீனாவில் சமையல்காரர் ஒருவர் பாம்பு கொத்தி பரிதாபமாக உயிரிழந்துள்ளார்.
[ Saturday, 23-08-2014 06:46:19 GMT ]
இலங்கை அதிபர் ராஜபக்சே வீட்டில் திருச்செந்தூர் அர்ச்சகர்கள் யாகம் நடத்தியதாக அதிர்ச்சி தகவல் வெளியாகியுள்ளது. 
[ Saturday, 23-08-2014 06:21:20 GMT ]
கடந்த வாரம் விளையாட்டு உலகில் நடைபெற்ற சம்பவங்கள் புகைப்படங்களாக ஒரு கோர்வை,
[ Saturday, 23-08-2014 07:01:27 GMT ]
மொபைல் வரலாற்றையே புரட்டி போட்ட ஸ்மாரட் போன்கள் உங்களை கண்காணித்து கொண்டிருக்கிறது என்றால் நம்ப முடிகிறதா?
[ Saturday, 23-08-2014 07:23:10 GMT ]
மதிசுதா இயக்கத்தில் தற்போது உருவாகிக் கொண்டிருக்கும் குறும்படம் தழும்பு.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Friday, 22-08-2014 14:17:45 ]
நல்லூர்க் கந்தப்பெருமானின் ஆலய மகோற்சவத்தில் இன்று காலை மாம்பழத் திருவிழா மிகவும் அற்புதமாக நடைபெற்றது.