செய்தி
 Photo
கனடியத் தமிழர்களின் எதிர்பார்ப்பும் நிறைவேற்றப்படாத தீர்மானமும்
[ வியாழக்கிழமை, 18 ஏப்ரல் 2013, 09:40.42 PM GMT ]
புலம்பெயர் சமூக வரலாற்றில் முதன் முறையாக தமிழ்ப் பாராளுமன்ற உறுப்பினர் ஒருவரை உருவாக்கிய பெருமை கனடாவாழ் தமிழ் மக்களையே சாரும்.

அத்துடன் அவ்வாறனதொரு சந்தர்ப்பத்தை கொடுத்து, கனடியத் தமிழர்களை ஒர் அரசியல் சமூகமாக நிறுவியதில் என்.டி.பி கட்சியினருக்கு கணிசமான பங்கு உண்டு. அதிலும், குறிப்பாக என்.டி.பி கட்சியின் மறைந்த தலைவர் ஜாக் லெயிற்றனுக்கு மிக முக்கிய பங்குண்டு.

இக்கட்சியின் தேசிய மாநாடு கடந்த வாரம் வெள்ளி, சனி, ஞாயிறு தினங்களில் 'மொன்றியல்' நகரில் நடைபெற்றது. சிறிலங்காவில் இடம்பெற்ற போரின் போது நிகழ்த்தப்பட்ட இனப்படுகொலைகள் மற்றும் மனித உரிமை மீறல்களை எதிர்த்துக் கண்டனத் தீர்மானங்கள் இன்று உலகம் முழுவதும் நிறைவேற்றப்படுகின்றன.

பல நாட்டு அரசுகள், அரசியற் கட்சிகள், மனித உரிமை அமைப்புகள், தனி மனித ஆளுமைகள் இத்தகைய செயற்பாட்டில் தங்களைப் பகுதியாகவோ, முழுமையாகவோ ஈடுபடுத்தி வருகிறார்கள். தமிழக சட்டசபையில் ஈழத்தமிழ் மக்களுக்கு ஆதரவான  தீர்மானம் அனைத்துக் கட்சிகளின் ஒப்புதலுடன் ( தமிழக சட்டசபை வரலாற்றிலேயே அனைவரும் ஒரு மனதாக ஆதரித்த விடயம் ) நிறைவேற்றப்பட்டுள்ளது. இந்நிலையில் புலம் பெயர் தமிழ் மக்கள் அதிகம் வாழ்ந்து கொண்டிருக்கும் நாடான கனடாவில் என்ன நடக்கும் என்பது தற்போது உலகத் தமிழ் மக்கள்  எதிர்பார்த்திருக்கும் முக்கிய விடயங்களில் ஒன்றாக உள்ளது.

அவ்வாறான ஒரு சூழ்நிலையில் கனடாவில் வாழும் சிறுபான்மைச் சமூகங்களுக்கு ஆதரவளித்தும், உலகளவில் அடக்கப்படும் மக்களது போராட்டங்களை ஆதரித்துவரும் தேசியக் கட்சியான என்.டி.பிக் கட்சியிடமிருந்து பாதிக்கப்பட்ட ஈழத்தமிழர்கள் சார்பாக, ஏற்கனவே உலகளவில் நிறைவேற்றப்பட்டுள்ள தீர்மானங்களை மேலும் பலப்படுத்தக்கூடிய வகையில் தீர்மானங்கள் நிறைவேற்றப்படும் என கனடியத் தமிழர்கள் முழு நம்பிக்கையுடன் எதிர்பார்த்திருந்தார்கள்
 
இதற்கு முன்னோடியாக என்.டி.பிக் கட்சியின் 'ஸ்காபுறோ - ரூஜ்ரீவர்' (தமிழ் பாராளுமன்ற உறுப்பினரது தொகுதி) தொகுதிக் கிளையின்  நிர்வாக சபையைத் தேர்வு செய்வதற்காக அண்மையில் நடைபெற்ற  பொதுக்குழுக் கூட்டத்தில் ஈழத் தமிழர்கள் பிரச்சினை தொடர்பான தீர்மானம் ஒன்று இப்பிரதேச தமிழ் என்.டி.பி உறுப்பினர்களால் முன்வைக்கப்பட்டு நிறைவேற்றப்பட்டிருந்தது.

அத் தீர்மானமானது இலங்கையில் தமிழ் மக்களுக்கு எதிராக நடைபெற்ற அனர்த்தங்கள் பற்றிய அனைத்துலக விசாரணையைக் கோருகின்றது. தமிழ் மக்களுக்கான சுயநிர்ணய உரிமையை அங்கீகரிக்கின்றது. தமிழ் மக்கள் தங்களது அரசியல் எதிர்காலத்தைத் தீர்மானிப்பதற்கான ஐக்கிய நாடுகள் அவையின் மேற்பார்வையிலான சர்வஜன வாக்கெடுப்பைத் தமிழர் தாயகத்தில்  கோருகின்றது. இந்த ஆண்டு கொழும்பில் நடைபெறவுள்ள பொதுநலவாய நாடுகளின் உச்சி மாநாட்டை கனடாவைப் பகிஷ்கரிக்குமாறு கோருகிறது.

அன்றைய பொதுக்கூட்டத்தில் ஏகமனதாக ஒப்புக்கொள்ளப்பட்ட இத்தீர்மானங்கள் மொன்றியலில் இடம்பெறுகின்ற தேசிய மாநாட்டுக்கு எடுத்துச் செல்லப்பட்டு அங்கு நிறைவேற்றப்பட வேண்டும் என்ற கோரிக்கையின் அடிப்படையிலேயே முன்னெடுக்கப்பட்டது. இத் தீர்மானத்தின் அவசர, அவசிய நிலை கருதி, என்.டி.பிக் கட்சியின் தீர்மான நிறைவேற்றுக்குழுத் தலைமையின் முழ ஆதரவைத் திரட்ட எமது இத்தீர்மான வடிவத்தை முன்னுரிமைப்படுத்துவதில் எமது தமிழ் பாராளுமன்ற உறுப்பினரின் முழு ஆதரவும் கிடைக்கும் என்ற  நம்பிக்கையுடன்  கட்சி மாநாட்டுக்காக மொன்றியல்  சென்ற என்.டி.பி தமிழ் உறுப்பினர்கள் தமது பங்களிப்புக்காகக் காத்திருந்தனர். ஆனால் அத்தீர்மானம் நிறைவேற்றப்படுவதற்கான வாய்ப்பு எட்டப்படவில்லை.

பொதுநலவாய நாடுகளின்  மாநாட்டைப் புறக்கணிக்கப் போவதாகப் கனடிய ஆளும் கட்சியான 'பழமைவாதக்  கட்சி' அறிவித்துள்ளது. 'லிபரல் கட்சியும்' இந்த விடயம் குறித்துப் பாராளுமன்றுக்கு உள்ளேயும், வெளியேயும் பேசி வருகின்றது. இந்நிலையில் இந்த விடயம் குறித்துப் பாராளுமன்ற கேள்வி நேரத்தில் பலமுறை பேசிய என்.டி.பி கட்சி தங்களது மாநாட்டில் இது தொடர்பில் முக்கியத் தீர்மானம் ஒன்றை நிறைவேற்றும் என்ற எதிர்பார்ப்பு தமிழர்களிடம் இருந்தது. ஆனால் மொன்றியல் மாநாட்டிற்குச் சென்ற தமிழ் என்.டி.பி உறுப்பினர்களுக்கு எற்பட்ட அனுபவம் வேறு வகையானதாக அமைந்தது.   வெட்கப்பட்டும், அவமானப்பட்டும், தலைகுனிந்தும் மாநாட்டு மண்டபத்தை விட்டு அவர்கள் வெளியேறிதாகச் சிலரது வாக்குமூலங்கள் இருந்தன.

இந்த மாநாட்டில் சீக்கியர்கள் பிரச்சினை தொடர்பான  தீர்மானத்துக்கு முன்னுரிமை கொடுக்கப்பட்டிருந்தது. 'பிராம்ரன்' தொகுதி சீக்கிய மாகாண பாராளுமன்ற உறுப்பினரான 'ஜக்மீற் சிங்' இந்திய அரசின் சீக்கியர்களுக்கு எதிரான மனித உரிமை மீறல்களை உலக அரங்கில் அம்பலப்படுத்தி அதனால் படுகொலையுண்ட 'யாஸ்வாந்த் சிங் காரலா' என்ற மனித உரிமையாளரைக் கௌரவித்து மண்டபம் நிறைந்த ஏகமனதான ஆதரவுடன் கூடிய தீர்மானம் ஒன்றைக் கொணர்ந்து நிறைவேற்றியிருந்தார்.  அதே வேளை ஒரு இனத்தையே முற்றிலுமாக அழித்த இனப்படுகொலை  குறித்து 'ஸ்காபுறோ - ரூஜ்ரீவர்' என்.டி.பி பொதுக்குழுக் கூட்டத்தில் நிறைவேற்றப்பட்ட தீர்மானம் பின்னுக்குத் தள்ளப்பட்டுள்ளது.

என்ன காரணம். ?

ஒரு மனித உரிமையாளரை அங்கீகரிக்கவும், கௌரவிக்கவும் ஏகமனதாக தீர்மானம் நிறைவேற்றிய என்.டி.பி கட்சியினது மாநாட்டு அரங்கில், ஒட்டு மொத்த ஈழத்தமிழர்களின் இனப் படுகொலையைக் கண்டிக்கும் தீர்மானத்தை ஏன் நிறைவேற்றவில்லை? என்பதும்,  ஆகக் குறைந்தது சீக்கிய இனத்திற்கு நிகழ்ந்த மனிதவுரிமை மீறல்களுடன் தொடர்புபடுத்தியாவது எம் மக்கள் மீதான இனப்படுகொலை எள்ளளவேனும் பேசப்படாமல் கூட விடப்பட்டதற்கான காரணம் என்ன? என்பது ஒட்டு மொத்தத் தமிழர்களின் ஆதங்கமாக உள்ளது.

இது ஒருபுறமிருக்க மாநாட்டில் கலந்து கொண்ட தமிழ் மக்களால் தெரிவு செய்யப்பட்ட  பாராளுமன்ற உறுப்பினரான 'ராதிகா சிற்சபை ஈசன்' அங்கு என்ன செய்து  கொண்டிருந்தார் என்பதும் தற்போது எழுப்பப்படும் முக்கிய கேள்விகளில் ஒன்றாக இருக்கிறது.

இத்தீர்மானத்தை முன்னுரிமைப்படுத்துவதில் தவறிழைத்து  மெத்தனப் போக்குடன் செயல்பட்டதுடன் அக்கறை காட்டாமல் இருந்து விட்டார் என தமிழ் மக்களின் ஆதரவுடன் தேர்ந்தெடுக்கப்பட்ட பாராளுமன்ற உறுப்பினரான 'ராதிகா சிற்சபை ஈசன்'  மீது பாரிய விமர்சனங்கள் முன் வைக்கப்படுகின்றன.

முதலாவது தமிழ் பாராளுமன்ற உறுப்பினரை தமிழ் சமூகம் தெரிவாக்கியதிலிருந்து தொடர்ந்துவரும் தேர்தலகளைச் சந்திக்க தயாராகிவரும் கனடியத் தமிழர்கள், தமிழ் மக்களின் நலன்களை முன்னிறுத்துவோம் என்பது வெறுமனே இலங்கை, இந்தியா போன்ற நாடுகளில் நடக்கும் கூத்தா என்கின்ற கேள்விகள் எழுந்துள்ளது மட்டுமல்லாமல்,   மக்கள் பிரதிநிதிகளாக நியமிக்கப்பட்டுப் பதவிக்கு வந்தவர்கள் இப்படியான விடயங்களுக்கு பொறுப்புக் கூற வேண்டியவர்களா, இல்லையா என்பது இன்று கனடிய தமிழ் மக்கள் முன் எழுந்துள்ள விவாதமாகின்றது.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Thursday, 21-08-2014, 01:11.16 AM ]
புற்று நோய் காரணமாக வருடாந்தம் 11226 பேர் உயிரிழப்பதாக பிரதி சுகாதார அமைச்சர் லலித் திசாநாயக்க தெரிவித்துள்ளார்.
[ Thursday, 21-08-2014, 01:01.00 AM ]
இலங்கை சிறையில் இருந்த 94 மீனவர்களும் விடுவிக்கப்பட்டுள்ளனர். இது நிச்சயம் மகிழ்ச்சியான செய்திதான். மீனவர்கள் வந்துவிட்டனர், ஆனால் அவர்களின் படகுகள் இன்னும் திருப்பித் தரப்படவில்லை. 'தர மாட்டோம்’ என்கிறார் இலங்கை அமைச்சர். கருவி இல்லாமல், கடலில் என்ன செய்வான் மீனவன்?
[ Thursday, 21-08-2014, 12:29.18 AM ]
வெளிநாட்டு பாதுகாப்புப் பிரதிநிதிகள் வடக்கு கிழக்கு மாகாணங்களுக்கு விஜயம் செய்ய உள்ளனர். 2014ம் ஆண்டுக்கான பாதுகாப்பு மாநாட்டில் பங்கேற்பதற்காக இலங்கை விஜயம் செய்துள்ள வெளிநாட்டு பிரதிநிதிகளே இவ்வாறு வடக்கு கிழக்கு மாகாணங்களுக்கு விஜயம் செய்யவுள்ளனர்.
[ Thursday, 21-08-2014, 12:16.30 AM ]
முன்னாள் இராணுவ தளபதி சரத் பொன்சேகாவின் பிரத்யேக உதவியாளர் சேனக ஹரிப்பிரிய டி சில்வாவுக்கு எதிராக நேற்று கொழும்பு மேல்நீதிமன்றம் பிடியாணை உத்தரவை பிறப்பித்தது.
[ Thursday, 21-08-2014, 12:06.53 AM ]
அண்மையில் களனி பிரதேசத்தில் வைத்து விசேட அதிரடிப்படையினரால் கைப்பற்றப்பட்ட 85 கிலோ கிராம் எடையுடைய போதைப்பொருளில் 54 கிலோ கிராம் எடையுடைய கழிவுப்பொருட்கள் காணப்பட்டதாகத் தெரிவிக்கப்படுகிறது.
[ Thursday, 21-08-2014 01:33:01 GMT ]
பாகிஸ்தான் பிரதமர் நவாஸ் ஷெரீப் பதவி விலக வேண்டும் எனக் கோரி எதிர்க்கட்சிகள் போராட்டம் நடத்தி வருகின்றன.
[ Wednesday, 20-08-2014 12:17:32 GMT ]
குமரி மாவட்டத்தை சேர்ந்த வாலிபர் ஒருவர் தனது முகம் மற்றும் உடலில் 1 லட்சம் தேனீக்களை ஏந்தி சாதனை படைத்துள்ளார்.
[ Wednesday, 20-08-2014 11:25:30 GMT ]
இங்கிலாந்து கால்பந்து அணியின் பயிற்சியாளர் மற்றும் முன்னாள் மான்செஸ்டர் அணியின் வீரர் ஃபில் நெவிலின் மனைவி சுகாதார கடையின் விளம்பரத்திற்கு நிர்வாண போஸ் கொடுத்துள்ளார்.
[ Thursday, 21-08-2014 00:43:28 GMT ]
கூகுள் நிறுவனமானது iPhone உட்பட அப்பிளின் iOS இயங்குதளத்தினை அடிப்படையாகக் கொண்ட அனைத்து சாதனங்களுக்குமான PhotoSphere Camera அப்பிளிக்கேஷனை அறிமுகம் செய்துள்ளது.
[ Wednesday, 20-08-2014 18:26:52 GMT ]
கத்தி படத்தின் பிரச்சனை ஒரு முடிவுக்கு வந்தது.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Tuesday, 19-08-2014 00:01:39 ]
வடக்கு, கிழக்கு முஸ்லிம் மக்களை காப்பாற்றுவதற்காக, ரவூப் ஹக்கீமிடம் இருந்து இந்த மக்களை மீட்டெடுப்பதற்காக, வட கிழக்கு தமிழ், முஸ்லிம் உறவை பேணிப் பாதுகாப்பதற்காக ஒரு புதிய அணி உருவாக வேண்டும் அல்லது மு.கா. இல் இரட்டைத் தலைமை கொண்ட மற்றுமொரு தலைவர் உருவாக்கப்பட வேண்டும். அதாவது ஏற்கனவே பேரியல் அஷ்ரப், ஹக்கீம் இருந்தது போன்று.