செய்தி
 Photo
முஸ்லிம்களைக் குறிவைக்கும் சிங்களவர்கள்! மீண்டும் வருகிறதா போர்?
[ புதன்கிழமை, 03 ஏப்ரல் 2013, 01:53.34 AM GMT ] [ விகடன் ]

சிங்கள இனவாதம் மீண்டும் ஓர் உயிர் அழிப்புப் போருக்குத் தயாராகி வருகிறது. அதற்கு, எஞ்சியுள்ள தமிழர்களோடு குறிவைக்கப்பட்டுள்ளவர்கள் முஸ்லிம்கள் என்று அதிர வைக்கிறார் ஈழத்தில் உள்ள பத்திரிகையாளர் ஒருவர்.

இதுபற்றி நம்மிடம் விரிவாகப் பேசியவர்கள்,

இலங்கையில் 2012-ம் ஆண்டு தம்புள்ள, அநுராதபுரம், குருநாகல், தெதுறுஓயா, ராஜகிரிய ஒபேசேகரபுர, தெஹிவளை ஆகிய பள்ளி​வாசல்கள் மீது தாக்குதல் நடத்தப்பட்டன.

இந்த வருடம் 'ஹலால்’ முறையைத் தடைசெய்ய வேண்டும் என்று, சிங்கள புத்த பிக்குகள் முஸ்லிம்கள் மீதானத் தாக்குதலைத் தொடங்கினர்.

ஏப்ரல் 14-ம் தேதி வரவிருக்கும் சிங்களப் புது வருடத்துக்கு 'முஸ்லிம்கள் கடைகளில் துணிகளையும் பொருட்களையும் வாங்குவதை சிங்களவர்கள் தவிர்க்கவேண்டும்’ என, புத்த பிக்குகள் சொல்லிவந்த நிலையில், கடந்த 28-ம் தேதி இரவு பெப்பிலியான பகுதியில் உள்ள 'பேஷன் பக்’ என்ற முஸ்லிம் கடைக்குள் புகுந்து புத்த பிக்குகள் தாக்கியுள்ளனர்.

இந்தத் தாக்குதலில் பத்திரிகையாளர்கள் சிலரும் காயமடைந்துள்ளனர். அந்தக் காட்சிகள் கடையில் இருந்த கமராவில் பதிவாகியுள்ளன. ஆனால், அந்தப் பதிவு எந்தவொரு தொலைக்​காட்சிக்கோ, பத்திரிகைக்கோ செல்லக் கூடாது என்று அரசு எச்சரித்​துள்ளது.

மகிந்த ராஜபக்ச அரசு எப்படியான இனவாதத் தீயைப் பற்றவைத்து வருகிறது என்பதை அரசாங்கத்தோடு ஒன்றியுள்ள முஸ்லிம் அமைச்சரான ஹக்கீமின் பேச்சு உறுதிப்படுத்துகிறது.

அண்மையில் அவர் பேசும்போது, 'பாதுகாப்புச் செயலாளர் கோத்தபாய ராஜபக்ச இனவாதத்தைத் தூண்டும் விதமாக, பொது பல சேனாவின் நிகழ்ச்சிகளில் பங்கேற்பதன் மூலம் அவர்கள் நடவடிக்கைகளை ஊக்குவிக்கிறார்’ என்று குறிப்பிட்டுள்ளார்.

ஆனால் பொது பல சேனாவோ, 'புத்த பிக்குகளின் இந்த இனவெறி மிகுந்த தாக்குதல்களுக்குப் புலம்பெயர்ந்துள்ள தமிழர்களும் இலங்கையில் உள்ள முஸ்லிம்களும்தான் காரணம்’ என்று குற்றம் சாட்டுகிறது.

கடந்த வாரம், கிளிநொச்சி கந்தசாமி கோயில் எதிரே உள்ள சிறீதரன் எம்.பி. அலுவலகத்தில் தமிழ்த் தேசியக் கூட்டமைப்பினரின் கூட்டம் நடந்தது. அதில் புகுந்து சிலர் தாக்குதல் நடத்தியுள்ளனர்.

தாக்குதல் நடத்தியவர்களை மக்களே பிடித்து பொலிஸாரிடம் ஒப்படைத்துள்ளனர். ஆனால், அவர்களைப் பொலிஸார் விடுவித்துவிட்டு, தமிழ்த் தேசியக் கூட்டமைப்பினரிடம் என்ன நடந்தது என்று விசாரிக்க வந்துள்ளனர்.

இந்த அலுவலகத்துக்கு மிக அருகில் சிங்கள இராணுவத்தின் படைத் தலைமையகம் இருந்தும் தாக்குதல் நடக்கிறது என்றால், அவர்கள் இராணுவத்துக்கும் அரசாங்கத்துக்கும் உரிய ஆட்கள்தான்'' என்கிறார்கள்.

செப்டம்பர் மாதம் வடமாகாணத் தேர்தலை நடத்த வேண்டும் என பல நாடுகள் இலங்கையிடம் சொல்கிறது. ஆனால், இலங்கை அரசோ இப்படியான தாக்குதல்களைத் தொடுத்தால், இன்னும் தமிழ்ப் பகுதிகளில் பதற்றமான சூழ்நிலை நிலவுகிறது என்று கூறி தேர்தலை நடத்த விடாமல் செய்யலாம் என்று நினைக்கிறது.

இப்படி ஜெனிவாவின் மனித உரிமைக் கூட்டத்தொடரின் போதும், அதன் பிறகும் அரசுக்கு ஆதரவான செயல்களும், அரசின் துணைகொண்டு நடக்கும் தாக்குதல்களும் ஏராளம்.

இலங்கை அரசுடனான உறவைப் பாதுகாக்கத் தமிழகத்தில் நடந்துவரும் போராட்டங்களை இந்திய அரசு ஒடுக்க வேண்டும் என்று, புத்த குழுக்கள் பேசுகின்றன.

தமிழகத்திலிருந்து இலங்கை வந்துள்ள அனைவரையும் நாடுகடத்த வேண்டும் என்று ஜாதிக ஹெல உறுமய கட்சியின் தலைவர் ஒமல்பே சோபித தேரர் பேசியது கொந்தளிப்பைக் அதிகரித்து இருக்கிறது.

ராஜபக்சவோ, ''போர்க் குற்றத்துக்கு இலங்கை அரசுக்கும் இராணுவத்துக்கும் தண்டனை கொடுத்து என்ன செய்யப் போகிறீர்கள்? என்கிறார்.

ஐ.நா-வும் உலக நாடுகளும் வெறும் தீர்மானத்தில் இலங்கையை எச்சரித்துக் கொண்டிருந்தால், முஸ்லிம்களை அழிப்பதற்கான இன்னொரு போர் மீண்டும் வெடிப்பதை உலகமே நினைத்தாலும் தடுக்க முடியாது.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Wednesday, 20-08-2014, 08:54.31 AM ]
சுவிட்சலாந்தின் சூரிச் மாநிலத்தில் வீற்றிருந்து மக்களின் துன்பங்களை தீர்த்தருளும் அருள்மிகு ஸ்ரீ சிவசுப்பிரமணிய சுவாமி தேவஸ்தான தேர் தீத்தத் திருவிழாக்கள் பல்லாயிரம் மக்கள் புடை சூழ கடந்த சனி ஞாயிறு தினங்களில் வெகு சிறப்பாக இடம் பெற்றது.
[ Wednesday, 20-08-2014, 08:26.32 AM ]
தலவாக்கலை கிறெட்வெஸ்டன் ஸ்கல்பா தோட்டத்தில் குறித்த ஒரு குடும்பத்தின் நடவடிக்கைகளுக்கு எதிர்ப்பு தெரிவித்தும் அக்குடும்பத்தினை அங்கிருந்து வெளியேற்றுமாறு கோரியும் 300ற்கும் மேற்பட்ட பொதுமக்கள் இன்று காலை வேலை நிறுத்த போராட்டத்தில் ஈடுப்பட்டனர்.
[ Wednesday, 20-08-2014, 08:07.35 AM ]
இந்தியாவில் ஒரு நகரசபை உறுப்பினராக கூட மக்களின் வாக்குகளை பெறாத, பெற முடியாத சுப்ரமணியன் சுவாமிக்கும், இங்கே அவரை அழைத்து வந்து, ஊதிப் பெருப்பித்து காட்டி நாடகமாடியவர்களுக்கும், தமிழ்த் தேசிய கூட்டமைப்பின் இந்தியப் பயணம் நல்ல ஒரு சாட்டையடி என ஜனநாயக மக்கள் முன்னணி தலைவர் மனோ கணேசன் கூறியுள்ளார்.
[ Wednesday, 20-08-2014, 07:45.58 AM ]
இலங்கை தமிழரசுக் கட்சியின் அம்பாறை மாவட்டக் கிளைகள் புனரமைக்கப்பட்டுள்ளன. கடந்த ஞாயிற்றுக்கிழமை கட்சியின் செயலாளர் நாயகமும் பாராளுமன்ற உறுப்பினருமான மாவை சேனாதிராஜா அங்கு விஜயம் செய்து, பொத்துவில் சம்மாந்துறை மற்றும் கல்முனைத் தொகுதிக் கிளைகளின் புனரமைப்பில் நேரடியாகக் கலந்து கொண்டார்.
[ Wednesday, 20-08-2014, 07:08.08 AM ]
யாழ். கல்வியங்காட்டுப் பகுதியில் உள்ள பலநோக்குக் கூட்டுறவுச் சங்க எரிபொருள் நிரப்பு நிலையத்தின் முகாமையாளர் மற்றும் பணியாளர் ஆகியோர் இனந்தெரியாதோரின் வாள்வெட்டுக்கு இலக்காகி படுகாயமடைந்துள்ளனர்.
[ Wednesday, 20-08-2014 09:11:41 GMT ]
ஐஸ்லாந்தில் எரிமலை ஒன்று வெடிக்கும் நிலையில் இருப்பதால் அங்குள்ள மக்கள் அச்சத்தில் உறைந்து போயுள்ளனர்.
[ Wednesday, 20-08-2014 06:34:48 GMT ]
தேனி மாவட்டத்தை சேர்ந்த துணை நடிகர் ராஜ்குமார் என்பவர் மூன்று பெண்களை ஏமாற்றி திருமணம் செய்துள்ளது தெரியவந்துள்ளது.
[ Wednesday, 20-08-2014 06:48:29 GMT ]
ஒருநாள் தொடரிலும் இந்திய அணியை வீழ்த்த, டெஸ்ட் தொடரில் களமிறங்கிய அதே இங்கிலாந்து அணி எந்த வித மாற்றமும் இன்றி ஒருநாள் தொடரிலும் விளையாடவுள்ளது.
[ Wednesday, 20-08-2014 05:28:58 GMT ]
இன்றைய காலகட்டத்தில் நண்பர்களாக பழகும் ஆணும், பெண்ணும் திருமணம் செய்து கொள்வது அதிகரித்து கொண்டிருக்கிறது.
[ Wednesday, 20-08-2014 08:35:31 GMT ]
சிம்பு-ஹன்சிகா சில நாட்களுக்கு முன் கொலிவுட்டின் ஹாட் டாபிக்.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Tuesday, 19-08-2014 00:01:39 ]
வடக்கு, கிழக்கு முஸ்லிம் மக்களை காப்பாற்றுவதற்காக, ரவூப் ஹக்கீமிடம் இருந்து இந்த மக்களை மீட்டெடுப்பதற்காக, வட கிழக்கு தமிழ், முஸ்லிம் உறவை பேணிப் பாதுகாப்பதற்காக ஒரு புதிய அணி உருவாக வேண்டும் அல்லது மு.கா. இல் இரட்டைத் தலைமை கொண்ட மற்றுமொரு தலைவர் உருவாக்கப்பட வேண்டும். அதாவது ஏற்கனவே பேரியல் அஷ்ரப், ஹக்கீம் இருந்தது போன்று.