செய்தி
இலங்கையை இந்தியா இழந்து போனது ஏன்?
[ ஞாயிற்றுக்கிழமை, 07 ஏப்ரல் 2013, 12:24.55 PM GMT ]
ஜெனிவாவில் இலங்கைக்கு எதிராக இந்தியா வாக்களித்த்தால், சீனாவுடன் நெருங்கப் போகிறது, பாகிஸ்தானுடன் நெருங்கப் போகிறது என்று இந்தியாவின் பெரும்பாலான தேசியவாத ஊடகங்கள் கருத்து வெளியிட்டு வருகின்றன.

ஜெனிவா கூட்டத்தொடர் முடிந்து இரண்டு வாரங்கள் முடிந்துள்ள நிலையிலும், இந்திய மத்திய அரசின் மீதான இத்தகைய விமர்சனங்கள் மட்டும் ஓயவில்லை.

தெற்காசியாவின் மிகப்பெரிய வல்லரசு என்றோ மனித உரிமைகள் விடயத்தில் அதற்குள்ள கடப்பாடுகள் பற்றியோ, இந்தியாவுக்குள்ள தார்மீகப் பொறுப்புணர்வு குறித்தோ, அல்லது இந்தியாவின் தென்கோடியில் உள்ள ஆறு கோடி தமிழர்களினது உணர்வுகள் பற்றியோ இந்த ஊடகங்களுக்கு கவலையில்லை.

அவற்றின் ஒட்டுமொத்த கவலையும் கரிசனையும் சீனா மட்டும் தான்.

இலங்கையை எதிர்த்து நின்றால் எங்கே சீனா அதனைத் தன் கைக்குள் போட்டுக் கொண்டு போய் விடுமோ என்ற அச்சத்தை தான் அவை வெளிப்படுத்துகின்றன.

ஒரு உண்மை என்னவென்றால் இலங்கையை சீனா எப்போதோ தன் கைக்குள் போட்டுக் கொண்டு விட்டது என்பது தான்.

இலங்கை அரசை இந்தியா நிர்ப்பந்தம் செய்தால் சீனா அவர்களுக்கு ஆதரவு தெரிவித்து விடும் என்று மத்திய அரசு சாக்குப்போக்கு சொல்கிறது.

ஆனால் இப்போதும் இலங்கையில் தான் சீனா அமர்ந்துள்ளது. அதைத் தடுப்பதற்கு இந்தியாவால் முடிந்த்தா? என்று கடந்த வாரம் கேள்வி எழுப்பியிருந்தர் இந்தியாவின் முன்னாள் வெளிவிவகார அமைச்சரும், பாஜக மூத்த தலைவருமான ஜஸ்வந்த் சின்ஹா.

இப்போது இலங்கை விவகாரத்தில் இந்தியா எதையும் செய்ய முடியாதளவுக்குப் பலவீனப்பட்டு நிற்கிறது என்பதே சரியான கணிப்பு.

இதனை எதிர்க்கட்சித் தலைவர் ரணில் விக்ரமசிங்கவும் கடந்த சில நாட்களுக்கு முன்னர் மட்டக்களப்பில் இடம்பெற்ற கூட்டம் ஒன்றில் மிகத் தெளிவாக குறிப்பிட்டிருந்தார்.

இலங்கையில் தற்போதைய சூழ்நிலையில் இந்தியாவால் எதையும் செய்ய முடியாது. இலங்கையில் நீடித்து நிலைக்க்க் கூடிய அமைதியையும் அதிகாரப் பகர்வையும் கொண்டு வருவதற்கு இந்தியா மேற்கொண்ட முயற்சிகள் தோல்வியடைந்து விட்டன என்று அவர் தெரிவித்திருந்தார்.

இந்தியா இப்போது இலங்கையுடன் நெருங்கவும் முடியாத அதேவேளை இலங்கையைக் கொண்டு காரியம் சாதிக்கவும் முடியாத இக்கட்டான நிலை ஒன்றுக்குள் தள்ளப்பட்டு நிற்கிறது.

இது ஜெனிவா தீர்மானத்தை இந்தியா ஆதரித்த்தன் விளைவாக பொதுப்படையாக கருதப்பட்டாலும் அது சரியான கருத்தாகத் தெரியவில்லை.

ஜெனிவா தீர்மான விடயத்தில் இந்தியா தவறான, அணுகுமுறையைப் பின்பற்றியுள்ளதாக விமர்சிக்கும் இந்தியாவின் தேசியவாத ஊடகங்கள் ஒரு விடயத்தை மறந்துபோய் விட்டன.

அது என்னவென்றால் சீனாவை இலங்கைக்குள் கால் வைக்க இடமளித்த்து இந்தியாதான் என்பதே அது.

அம்பாந்தோட்டைத் துறைமுகத்தை அமைப்பதற்கு முதலில் இந்தியாவின் உதவியைத்தான் இலங்கை கோரியது.

அது வர்த்தக ரீதியாக பயனற்றது என்று இந்தியா ஒதுக்கித் தள்ளிவிட்டது.

இந்தியா அவ்வாறு எடுத்த முடிவுக்கு காரணம் தனது பாதுகாப்பு நலனைக் கருத்தில் கொண்டே என்று இந்திய வல்லுநர்கள் கூறுகின்றனர்.

தான் கைவிட்டால் அதனை இன்னொரு நாட்டைக் கொண்டு இலங்கை நிறைவேற்றும் என்பதை இந்தியா அப்போது ஊகிக்கத் தவறிவிட்டது.

அப்போது எந்தவொரு இந்திய தேசிய ஊடகமும் இலங்கையின் கோரிக்கையை நிராகரிப்பது இந்தியாவுக்கு ஆபத்தான சக்திகள் அந்த இடைவெளிக்குள் நுழைய வாய்ப்பை ஏற்படுத்தி விடும் என்று எச்சரிக்கவோ ஆலோசனை கூறவோ தவறிவிட்டன.

எப்போது அம்பாந்தோட்டைத் துறைமுக அபிவிருத்தித் திட்டத்தை சீனா தன் கைக்குள் போட்டுக் கொண்டதோ அப்போதே அதன் முழுமையான ஆதிக்கத்துக்குள் இலங்கை வந்துவிட்டது என்பதே உண்மை.

அம்பாந்தோட்டைத் துறைமுகம் வழியாக உள்ளே நுழைந்த சீனா இப்போது காலை நீட்டி நிமர்த்தி இந்தியாவை இடிக்கிறது.

உண்மை இப்படியிருக்க ஜெனிவாவில் இலங்கைக்கு எதிராக வாக்களிக்க எடுக்கப்பட்ட முடிவு தான் சீனாவின் ஆதிக்கம் இலங்கையில் தலைதூக்குவதற்குக் காரணம் என்பதுபோல இந்தியாவின் தேசியவாத ஊடகங்கள் விமர்சிக்கின்றன.

ஜெனிவாவில் இலங்கைக்கு எதிராக வாக்களிக்க இந்தியா எடுத்த முடிவுக்கும் இலங்கை – சீனா நெருக்கத்துக்கும் அவ்வளவான தொடர்புகள் இல்லை.

இலங்கையில் சீன விவகாரத்தில் இந்தியா ஏற்கனவே தனது கட்டுப்பாட்டை இழந்துவிட்டது.

இன்றைய நிலையில் ரணில் விக்ரமசிங்க கூறியுள்ளது போல இலங்கையில் அரசியல் தீர்வையோ அதிகாரப் பகிர்வையோ இந்தியாவினால் ஏற்படுத்தவே முடியாது.

போர் முடிவுக்கு வந்த பின்னர் அதிகாரப்பகிர்வு 13வது திருத்த்த்தை முழுமையாக நடைமுறைப்படுத்துவது குறித்து இந்தியா எத்தனை முறையோ வலியுறுத்திக் களைத்தே போய்விட்டது.

ஆனால் இலங்கை மட்டும் எதற்கும் மசிந்து கொடுக்கவேயில்லை.

இந்தியாவினால் என்னதான் செய்துவிட முடியும் என்பது போல நடந்து கொள்கிறது.

நாங்களும் தான் இலங்கையின் அமைச்சர்கள் அதிகாரிகளைச் சந்திக்கும் போதெல்லாம் 13வது திருத்த்த்தை நடைமுறைப்படுத்தும்படியும் அரசியல் தீர்வை வழங்கும் படியும் கேட்டுக் கொண்டிருக்கிறோம்.

ஆனால் அவர்கள் எதற்கும் இணங்குகிறார்களில்லை. இதற்கு மேல் இந்தியா என்ன செய்வது? என்று இந்திய வெளிவிவகார அமைச்சர் பகிரங்கமாகவே புலம்புகின்றார்.

இந்தநிலை ஒன்றும் ஜெனிவா தீர்மானத்தினால் வந்த்தில்லை. ஏன் சீனாவினால் கூட வந்த்தில்லை.

இந்தியாவின் தவறான கணிப்பினால் தவறான வெளிவிவகாரக் கோட்பாட்டினால்தான் இந்தநிலை ஏற்பட்டது.

இனிமேலும் கூட இந்தியாவினால் இந்த நெருக்கடியில் இருந்து மீண்டு விட முடியாது.

ஜெனிவாவில் இலங்கைக்கு ஆதரவு தெரிவித்திருந்தால் கூட இந்தநிலையில் மாற்றம் ஏற்பட்டிருக்காது.

ஏனென்றால் இவற்றுக்கு இடையில் நேரடித் தொடர்பில்லை.

இந்தியாவின் இரண்டும் கெட்ட வெளிவிவகாரக் கொள்கை அயல் நாடுகளிடையே அதன் செல்வாக்கை, ஆதிக்கத்தை பலவீனப்படுத்தி வட்டது.

புதுடில்லியில் நிலையானதும் உறுதியானதுமான அரசு ஒன்று மட்டுமன்றி, சக்திவாய்ந்த தலைமைத்துவம் ஒன்றும் உருவாகாதவரை, இந்தியா இழந்துபோன இந்த நிலையை மீள அடைவது சிரம்மான காரியமே.

ஹரிகரன்

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Tuesday, 21-10-2014, 11:46.28 AM ]
பல்கலைக்கழக மாணவர்களின் ஆர்ப்பாட்டப் பேரணி பாராளுமன்ற வளாகத்தை அண்மித்து இருப்பதன் காரணமாக அங்கு கலகம் அடக்கும் பொலிஸார் குவிக்கப்பட்டுள்ளதாகவும், நீர்த்தாங்கிகள் தயார் நிலையில் வைக்கப்பட்டுள்ளதாகவும் செய்திகள் தெரிவிக்கின்றன.
[ Tuesday, 21-10-2014, 11:41.24 AM ]

ஐரோப்பிய ஒன்றியம் புலித்தடையை நீக்கியதற்கு நான்தான் காரணமென ஒரு இணையத்தளம் செய்தியை வெளியிட்டுள்ளது. எனக்கும் இதற்கும் எவ்வித சம்பந்தமும் இல்லை. நான் அதுபற்றி கனவில்கூட நினைக்கவில்லை என மன்னார் ஆயர் இராயப்பு யோசப் தெரிவித்துள்ளார்.

[ Tuesday, 21-10-2014, 11:34.21 AM ]
நாட்டின் இன்றைய ஆட்சியாளர்கள் ஆட்சிக்கு வந்த நாளில் இருந்து நாட்டின் அரசியல் அமைப்பு, சட்டம், ஒழுங்கம், சம்பிரதாயங்கள், நீதிமன்றம் என அனைத்தையும் புறந்தள்ளி விட்டு சர்வாதிகார வெறியில் நாட்டை ஆட்சி செய்து வருவதாக ஜே.வி.பியின் தலைவரான நாடாளுமன்ற உறுப்பினர் அனுரகுமார திஸாநாயக்க தெரிவித்துள்ளார்.
[ Tuesday, 21-10-2014, 11:26.31 AM ]
ஐரோப்பிய ஒன்றியத்தில் விடுதலைப் புலிகள் அமைப்புக்கு விதிக்கப்பட்டிருந்த தடை நீக்கிக்கொள்ள இலங்கை அரசாங்கத்தின் உதவியும் தமிழீழ ஆதரவாளர்களுக்கு கிடைத்துள்ளதாக அரசியல் அவதானிகள் தெரிவித்துள்ளனர்.
[ Tuesday, 21-10-2014, 11:23.15 AM ]
இந்திய அமைதிப்படையின் துப்பாக்கி சூட்டுக்கு இலக்காகி பலியான யாழ்.போதனா வைத்தியசாலை பணியாளர்களின் 27 ஆவது நினைவு தினம் இன்று அனுஸ்டிக்கப்பட்டது.
[ Tuesday, 21-10-2014 13:14:18 GMT ]
தீபாவளி தினத்தை விடுமுறை நாளாக அறிவிக்க வேண்டும் என இந்து மக்கள் பாகிஸ்தான் பிரதமர் நவாஸ் ஷெரீப்புக்கு கோரிக்கை விடுத்துள்ளனர்.
[ Tuesday, 21-10-2014 06:20:40 GMT ]
ஜெயலலிதா ஜாமீனில் வெளிவந்த உடன், எப்போதும் பரபரப்பாக இருந்த பரப்பன அக்ரஹாரா சிறை தற்போது வெறிச்சோடி காணப்படுவதாக தகவல்கள் வெளியாகியுள்ளது.
[ Tuesday, 21-10-2014 07:01:37 GMT ]
கிரிக்கெட் விளையாட்டு மீது கொண்ட காதலால் ஒரு சமயம் வாடகை டாக்சி பிடித்து மைதானத்திற்கு செல்ல நேரிட்டதாக சச்சின் கூறியுள்ளார்.
[ Tuesday, 21-10-2014 08:51:51 GMT ]
காலம்காலமாக பீர் குடிப்பது உடலுக்கு தீங்கானது என்றே இதுநாள் வரையிலும் கருதப்பட்டு வந்தது.
[ Tuesday, 21-10-2014 01:33:12 GMT ]
கத்தி பிரச்சனையில் மிகவும் மன வருத்தத்தில் உள்ளார் விஜய்.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Monday, 20-10-2014 05:36:25 ]
ஜனா­தி­பதி மஹிந்த ராஜபக் ஷ தனது தேர்தல் பிர­சா­ரத்தை வடக்­கி­லி­ருந்து ஆரம்­பித்­தி­ருக்­கிறார்.