செய்தி
நாடாளுமன்ற உறுப்பினர் குழுவின் இலங்கை பயணத்தை ரத்து செய்யுங்கள்! ஜெயந்தி நடராஜன் வேண்டுகோள்
[ ஞாயிற்றுக்கிழமை, 07 ஏப்ரல் 2013, 09:31.31 AM GMT ]
தற்போதுள்ள சூழ்நிலையில் இலங்கை பயணத்தை மேற்கொண்டால் அது அப்பாவி ஈழத்தமிழர்களின் விஷயத்தில் ஆழமான காயம் ஏற்படுத்துவதாக அமையும். எனவே ஈழத்தமிழர்கள் வேதனை மற்றும் தமிழர்களின் கோபத்தை உணர்ந்து உங்கள் பயணத்தை ரத்து செய்யுமாறு  மத்திய மந்திரி ஜெயந்தி நடராஜன் வேண்டுகோள் விடுத்துள்ளார்.

இது தொடர்பில் அவர் டெல்லியில் உள்ள இந்திய வணிக தொழில் கூட்டமைப்பு தலைவருக்கு ஒரு கடிதம் எழுதியுள்ளார்.

அந்த கடிதத்தில் அவர் கூறியிருப்பதாவது:-

இலங்கைக்கு எம்.பி.க்கள் குழு ஒன்றை அனுப்பி பேச்சுவார்த்தை நடத்த இந்திய வணிக தொழில் கூட்டமைப்பு பரிந்துரை செய்து இருப்பதாக ஆங்கில நாளிதழ் ஒன்றில் வெளியான செய்தியை பார்த்துவிட்டு இந்த கடிதத்தை நான் உங்களுக்கு எழுதுகிறேன்.

இந்திய குடிமகள் என்ற ரீதியிலும், குறிப்பாக தமிழ்நாட்டைச் சேர்ந்தவள் என்ற முறையில் 2009-ம் ஆண்டு போரின் போதும், அதற்கு பிறகும் இலங்கை அரசு அப்பாவி தமிழர்கள் மீது தாக்குதல் நடத்தியது மிகுந்த வேதனையை எனக்கு ஏற்படுத்தியது.

இறுதிக் கட்ட போரின்போது 40 ஆயிரத்துக்கும் மேற்பட்ட தமிழர்கள் கொல்லப்பட்டதாக ஐ.நா.சபை வெளியிட்டுள்ள அறிக்கையில் கூறப்பட்டுள்ளது.

இலங்கையின் வடக்கு பகுதியில் நிலைகொண்டுள்ள இராணுவத்தை அகற்ற வேண்டும் என்று ஐ.நா.சபை பலதடவை கூறிவிட்டது. ஆனால் இதுவரை அது நடைபெறவில்லை.

இலங்கையின் வடக்கு பகுதியில் சிங்கள இராணுவம் தொடர்ந்து தமிழர்கள் மீது அத்துமீறல்களில் ஈடுபட்டு மனித உரிமைகளை மீறி வருகிறது.

சிங்கள இராணுவத்தால் பாதிக்கப்பட்டுள்ள தமிழர்கள் தங்கள் வாழ்வாதாரங்களை இழந்து துடைத்தெறியப்பட்டுள்ளனர். அவர்களது குடும்பங்கள் பிரிக்கப்பட்டுள்ளன. சொந்தங்களை இழந்து தமிழர்கள் தவிக்கிறார்கள்.

சிங்கள இராணுவத்தால் பெண்கள் மற்றும் குழந்தைகள் பாலியல் துன்புறுத்தலுக்கு உள்ளாவதை பலதடவை ஐ.நா. மனித உரிமை கண்காணிப்பு ஆவணப்படுத்தியுள்ளது.

இலங்கையில் நடந்துள்ள மனித உரிமை மீறல்கள் தொடர்பாக ஐ.நா.சபையில் இரண்டு தடவை தீர்மானம் கொண்டு வந்து நிறைவேற்றப்பட்டுள்ளது.

மனித உரிமை மீறல்கள் தொடர்பாக இலங்கை அரசாங்கம் சுதந்திரமான நன்பகத்தன்மையான விசாரணைக்கு ஒத்துழைக்க வேண்டும் என்று கேட்டுக் கொள்ளப்பட்டது.

இந்த இரண்டு தீர்மானங்களையும் ஆதரித்து நமது நாடு வாக்களித்துள்ளது.

நமது பிரதமர் மன்மோகன் சிங் மற்றும் ஐக்கிய முற்போக்கு கூட்டணி அரசு சார்பில் இலங்கையில் தமிழர்கள் உண்மையான அதிகாரம் பெறுவதற்கு வழிவகுக்கும் 13-வது சட்டத்திருத்தத்தை அமுல்படுத்த வேண்டும் என்று கூறியுள்ளனர்.

என்றாலும் இந்தியாவின் இந்த கோரிக்கையை இலங்கை அரசு இன்னும் ஏற்கவில்லை.

இதற்கிடையே காங்கிரஸ் தலைமையிலான ஐக்கிய முற்போக்கு கூட்டணி அரசு இலங்கை வடக்கு பகுதியில் உள்ள ஈழத்தமிழர்களின் மறுவாழ்வுக்கு நிதி உதவிகளை செய்துள்ளது.

தமிழர்களுக்கு வீடுகள் கட்டிக் கொடுக்கவும், அத்தியாவசிய மருந்துகள் வாங்கவும் உதவிகள் செய்துள்ளன. என்றாலும், இந்திய அரசால் செய்யப்படும் இத்தகைய ஆக்கப்பூர்வமான உதவிகளை ஈழத்தமிழர்கள் பெறும் வகையில் இலங்கை அரசு சரியானபடி செய்யத் தவறிவிட்டது.

இந்தியாவில் உள்ள தொழில் கழகங்களில் உயரிய மதிப்பில் உள்ள இந்திய வணிக தொழில் கூட்டமைப்பு ஈழத்தமிழர்களின் வேதனையையும், தமிழக மக்களின் மனவேதனையையும் அறிந்து இருக்க வேண்டும்.

தற்போதுள்ள சூழ்நிலையில் இலங்கை பயணத்தை மேற்கொண்டால் அது அப்பாவி ஈழத்தமிழர்களின் விஷயத்தில் ஆழமான காயம் ஏற்படுத்துவதாக இருக்கும்.

எனவே, இந்திய வணிக தொழில் கூட்டமைப்பு ஈழத்தமிழர்களுக்கு ஒத்துழைப்பு கொடுக்க வேண்டும். தற்போது இலங்கைக்கு எம்.பி.க்கள் குழுவை அனுப்பு வதை நிறுத்த வேண்டும்.

இதுதொடர்பாக நான், எம்.பி.க்களுக்கும் தனியே கடிதம் ஒன்றை எழுதியுள்ளேன்.

மேலும் இந்த இடத்தில் நான் ஒரு விஷயத்தை தெளிவுப்படுத்த விரும்புகிறேன். நான் கடிதத்தில் எழுதியுள்ள கருத்துக்கள் அனைத்தும் முழுக்க முழுக்க எனது தனிப்பட்ட கருத்துக்கள் ஆகும்.

ஆங்கில நாளிதழில் வெளியாகியுள்ள செய்தியில் இந்திய வணிக தொழில் கூட்டமைப்பின் கன்வீனர் ஜோதி மல்கோத்ரா இந்திய எம்.பி.க்கள் நடத்தும் பேச்சுவார்த்தை அரசியல் கூட்டுக்கு எடுக்கப்படும் முயற்சி என்று கூறியுள்ளார்.

இது தமிழக மக்களின் கோபத்துக்கும், கவலைக்கும் எதிரானது ஆகும்.  எனவே, ஈழத்தமிழர்கள் வேதனை மற்றும் தமிழர்களின் கோபத்தை உணர்ந்து உங்கள் பயணத்தை ரத்து செய்ய கேட்டுக்கொள்கிறேன்.

இவ்வாறு அந்த கடிதத்தில் மத்திய மந்திரி ஜெயந்தி நடராஜன் கூறியுள்ளார்.

என்றாலும், இந்திய அரசால் செய்யப்படும் இத்தகைய ஆக்கப்பூர்வமான உதவிகளை ஈழத்தமிழர்கள் பெறும் வகையில் இலங்கை அரசு சரியானபடி செய்யத் தவறிவிட்டது.

இலங்கை அரசால் தொடர்ந்து நடைபெற்று வரும் மனித உரிமை மீறல் சம்பவங்கள் தமிழக மக்களை மிகுந்த அதிர்ச்சிக்குள்ளும், கோபத்துக்குள்ளும் ஆளாக்கி இருப்பதை நீங்கள் அறிவீர்கள்.

இந்த கோபத்தை அதிகரிக்கச் செய்யும் வகையில் பாக் ஜலசந்தியில் மீன்பிடிக்கச் செல்லும் தமிழக மீனவர்களை சிங்கள படை கடத்திச் சென்று கைது செய்வது மீண்டும் மீண்டும் நடந்து வருகிறது.

ஐக்கிய முற்போக்கு கூட்டணியின் தலைவர் சோனியா காந்தி இலங்கையில் நடைபெறும் மனித உரிமை மீறல்களுக்கும் மற்றும் தமிழக மீனவர்கள் கடத்தப்படுவதற்கும் ஆழ்ந்த கவலை தெரிவித்துள்ளார்.

இந்த பிரச்சினைக்காக தமிழக மாணவர்கள் தங்களது எதிர்ப்பை தெரிவித்துள்ளனர். மத்திய அரசும் இலங்கை யில் நடைபெறும் மனித உரிமை மீறலை தடுத்து நிறுத்த கடும் நடவடிக்கை எடுத்து வருகிறது.

இலங்கையில் விரைவில் நடைபெற உள்ள காமன்வெல்த் மாநாட்டை வேறு நாட்டுக்கு மாற்ற இந்தியா கோரிக்கை வைக்க வேண்டும் என்றும் வலியுறுத்தப்பட்டு வருகிறது.

இந்த நிலையில் வழக்கமான தொழில் பணியில் ஈடுபடாமல் இந்திய எம்.பி.க்களை இலங்கைக்கு அனுப்பி பேச்சு நடத்த வணிக தொழில் கூட்டமைப்பு முயல்வது தவறு என்பதை வலியுறுத்தி சுட்டிக்காட்ட விரும்புகிறேன்.

இலங்கையில் நடக்கும் மனித உரிமை மீறல்களை ஒட்டுமொத்த நாடும் ஆதரிக்காததை இந்திய வணிக தொழில் கூட்டமைப்பு கவனத்தில் தீவிரமாக எடுத்துக் கொள்ளவில்லை.

இந்தியாவில் உள்ள தொழில் கழகங்களில் உயரிய மதிப்பில் உள்ள இந்திய வணிக தொழில் கூட்டமைப்பு ஈழத்தமிழர்களின் வேதனையையும், தமிழக மக்களின் மனவேதனையையும் அறிந்து இருக்க வேண்டும்.

தற்போதுள்ள சூழ்நிலையில் இலங்கை பயணத்தை மேற்கொண்டால் அது அப்பாவி ஈழத்தமிழர்களின் விஷயத்தில் ஆழமான காயம் ஏற்படுத்துவதாக இருக்கும்.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Thursday, 24-04-2014, 02:43.16 AM ]
ஜனாதிபதி மஹிந்த ராஜபக்ச சொந்த ஊரான ஹம்பாந்தோட்டையில் இன்று வன்முறைக் குழுக்களின் ஆட்சி இடம் பெறுவதாக இலங்கையின் ஆங்கில செய்தித்தாள் ஒன்று கூறுகிறது.
[ Thursday, 24-04-2014, 02:31.43 AM ]
மட்டக்களப்பு மாவட்டத்தின் வாகரை பொலிஸ் பிரிவுக்குட்பட்ட கதிரவெளியில் இன்று காலை கன்டர் ரக வாகனம் துவிச்சக்கர வண்டி மீது மோதியதில் துவச்சக்கர வண்டியில் வந்தவர் ஸ்தலத்திலேயே உயிரிந்துள்ளார்.
[ Thursday, 24-04-2014, 02:19.21 AM ]
இணைய விளம்பரங்களின் மூலம் சிறுவர் துஸ்பிரயோக சம்பவங்கள் இடம்பெற்று வருவதாகத் தெரிவிக்கப்படுகிறது.
[ Thursday, 24-04-2014, 01:54.31 AM ]
ஐ.நா. மனித உரிமை கவுன்சிலில், இலங்கை தொடர்பான அமெரிக்கத் தீர்மானம் நிறைவேறிவிட்ட சூழலில், உலகெங்கிலும் உள்ள முக்கியமான 16 தமிழ் அமைப்புகளைப் பயங்கரவாத அமைப்புகளாக அறிவித்து, உலக நாடுகளிடம் அவை மீதான தடையையும் கோரியிருக்கிறது இலங்கை அரசாங்கம்!
[ Thursday, 24-04-2014, 01:08.14 AM ]
அரசாங்கம் நாட்டை காக்காவிட்டால் அரசாங்கத்த பாதுகாக்க வேண்டிய அவசியமில்லை என தேசப்பற்றுடைய தேசிய இயக்கத்தின் தலைவர் பேராசிரியர் குணதாச அமரசேகர தெரிவித்துள்ளார்.
[ Thursday, 24-04-2014 01:59:30 GMT ]
பிரேசில் தனியார் பேருந்து நிலையத்திற்குள் புகுந்த ஆயுததாரிகள், அங்கிருந்த பஸ்களுக்கு தீ வைத்துள்ளனர்.
[ Thursday, 24-04-2014 01:31:02 GMT ]
டெல்லியின் தெற்கு பகுதியில் உள்ள வசந்த் விகாரில் உள்ள புகழ்பெற்ற பாடசாலையில் பணிபுரியும் ஆசிரியர் மீது பாலியல் தொந்தரவு செய்யப்பட்டதாக முறைப்பாடு செய்யப்பட்டுள்ளது.
[ Wednesday, 23-04-2014 13:06:19 GMT ]
ஐதராபாத் அணியின் மோசமான களத்தடுப்பால் அணி தோல்வியடைந்தது வருத்தமளிக்கிறது என ஐதராபாத் அணியின் அணித்தலைவர் ஷிகர் தவான் கூறியுள்ளார்.
[ Thursday, 24-04-2014 02:10:29 GMT ]
நவீன தொழில்நுட்பத்தின் அடிப்படையில் உடல் ஆரோக்கியத்தினை பேணுவதற்கு பல்வேறு இலத்திரனியல் சாதனங்கள் தொடர்ச்சியாக அறிமுகப்படுத்தப்பட்ட வண்ணம் உள்ளன.
[ Wednesday, 23-04-2014 13:51:40 GMT ]
கௌதம் மேனன் தற்போது அஜித்தை வைத்து எடுக்கும் படத்திற்கான எதிர்பார்ப்பு விண்ணை முட்ட எகிறி கொண்ட போகிறது.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Tuesday, 22-04-2014 17:58:11 ] []
தமிழ்த் தேசியக் கூட்டமைப்பு ஈழத் தமிழரின் மேம்பட்ட மனித வாழ்வுக்காக ஏற்படுத்தப் பட்ட அரசியல் அமைப்பாகும். அவர்கள் எடுத்துக் கொண்ட பணி ஈழத் தமிழ் மக்களுக்கு இன, மத, பொருளாதார, அரசியல் ஒடுக்குமுறைகள் இல்லாத ஒரு கௌரவமான சுதந்திரமான நவீன முன்னேற்றங்களுடனான வாழ்வைப் பெற்றுக் கொடுப்பதுதான்.