செய்தி
(2ம் இணைப்பு)
 
நெடுந்தீவு எங்கள் கோட்டை. “இதற்குள் எவனடா வந்தவன்” ஈபிடீபி கொலை வெறியாட்டம்
[ வெள்ளிக்கிழமை, 16 ஓகஸ்ட் 2013, 06:24.13 PM GMT ]
தமிழ்த் தேசியக்கூட்டமைப்பின் தீவகத்திற்கான ஒரேயொரு வேட்பாளராக 12ம் இலக்கத்தில் போட்டியிடும் யாழ் மாநகரசபை உறுப்பினர் விந்தன் கனகரத்தினம் அவர்களை ஆதரித்து நெடுந்தீவில் அவரது ஆதரவாளர்கள் துண்டுப் பிரசுரங்களை வினியோகித்தபோது..

... நெடுந்தீவு மேற்கு ஒற்றைப் பனையடி என்றவிடத்தில் நேற்று மதியம் EPDP ஐச் சேர்ந்த சுதன் மோகனதாஸ் என்பவர்கள் துண்டுப் பிரசுரங்களைப் பறித்துக் கிழித்திருக்கிறார்கள்.

பின்னர் இரவு நேரம் நெடுந்தீவுப் பிரதேச சபையின் சிவப்பு நிற .NP. 253-5112 என்ற இலக்கம் கொண்ட பிக்கப் வாகனத்தில் வந்த பிரதேச சபைத் தலைவர் ரஜீப், ஈபிடீபி சுதன், மோகனதாஸ் , எட்வேட் ராஜா, ரஞ்சன், நெடுந்தீவு CTP பஸ் சாரதி அப்பன் உட்பட பலர் இரவுவேளை இரும்புக்கம்பி பொல்லுகள் சகிதம் சைமன் ஜேசுதாசன் ஜேசுதாசன் அன்ரனிற்றா ஆகியோரை அடித்து உதைத்து தாக்கியுள்ளனர்.

இவர்களுடன் இருந்த வவுனியாவைச் சேர்ந்த ரணசிங்க ஆரியசேனா என்பவரையும் தாக்கியுள்ளனர்.

இவர்கள் தற்போது ஆபத்தான நிலையில் வைத்தியசாலையில் அனுமதிக்கப்பட்டுள்ளார்கள்.

நெடுந்தீவு எங்கள் கோட்டை. “இதற்குள் எவனடா வந்தவன்” என்று கேட்டு நெடுந்தீவு பிரதேச சபைத் தலைவர் ரஜீப் தாக்கியுள்ளார் என சம்பவத்தை நேரில் கண்டவர்கள் கூறியுள்ளார்கள்.

தீவகம், குறிப்பாக நெடுந்தீவு, இலங்கை இராணுவ ஒட்டுக்குழுவான EPDP யின் பயங்கரவாதப் பிடிக்குள் உள்ள பிரதேசம் என்பது குறிப்பிடத்தக்கது.

(மேலதிக இணைப்பு) நெடுந்தீவில் கூட்டமைப்பினரின் வீடுகளுக்குள்ளே ஈ.பி.டி.பி குண்டர்கள் புகுந்து அட்டகாசம்: பெண் உட்பட மூவர் படுகாயம்

நெடுந்தீவில் வடமாகாண சபைத் தேர்தல் பிரசாரத்தில் ஈடுபட்டிருந்த தமிழ்த் தேசியக் கூட்டமைப்பினர் மீது ஈ.பி.டி.பி குண்டர்கள் மேற்கொண்ட தாக்குதலில் பெண்ணொருவர் உட்பட மூவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

இந்த தாக்குதல் சம்பவமானது நேற்றிரவு 9 மணியளவில் நெடுந்தீவு மேற்கிலுள்ள ஒற்றைப்பனையடியில் இடம்பெற்றுள்ளது.

நெடுந்தீவில் மிக அண்மையில் கூட்டமைப்பின் கிளை அலுவலகம் ஒன்று திறக்கப்பட்டிருந்தது. தொடர்ந்து மாகாண சபை பிரசாரப் பணிகளை கூட்டமைப்பினர் மேற்கொண்டு வந்தனர்.

ஈ.பி.டி.பி யின் பிரதேச சபை தவிசாளர் ரஜீப் தலைமையில் பிரதேச சபை வாகனத்தில் ஈ.பி.டி.பி உறுப்பினர்களான சுதன், மோகனதாஸ், எட்வேட்ராஜா ரஞ்சன், வாகனச் சாரதி அப்பன் ஆகியோரும் பிரதேச சபைக்கு சொந்தமான மேலும் பல வாகனங்களில் மேலும் பல குண்டர்களும் சென்று இந்த தாக்குதலில் ஈடுபட்டுள்ளனர்.

வீடொன்றிற்குள்ளாக சென்ற இவர்கள் வீட்டினை உடைத்து இரும்புக் கம்பிகளாலும் கொட்டன்களாலும் தாக்கியதோடு, வீட்டிலிருந்த பெண்ணொருவரையும் முற்றத்தில் இழுத்துப் போட்டு அடித்துள்ளனர்.

இச்சம்பவத்தில் நெடுந்தீவில் திருமணம் செய்து வசித்து வரும் பெரும்பான்மை இனத்தைச் சேர்ந்தவரும் கூட்டமைப்பின் ஆதரவாளருமான ரணசிங்க ஆரியசேன (வயது 40), சைமன் யேசுதாஸன், யேசுதாஸன் அன்ரனிற்றா ஆகியோர் படுகாயமடைந்த நிலையில் நெடுந்தீவு வைத்தியசாலையில் அனுமதிக்கப்பட்டுள்ளனர்.

இவர்கள் தவிர மேலும் சில காயமடைந்திருப்பதாகவும் தெரிவிக்கப்படுகின்றது. இதேவேளை கூட்டமைப்பின் வேட்பாளர்களது துண்டுப் பிரசுரங்களையும் இவர்கள் மலக் குழிகளுக்குள்ளாக போட்டுள்ளனர்.

இந்த சம்பவத்தைத் தொடர்ந்து நெடுந்தீவில் கடும் பதற்றம் ஏற்பட்டுள்ளது.

Content of Popup
பிந்திய 5 செய்திகள்
[ Saturday, 25-10-2014, 03:28.33 AM ]
இலங்கையில் அதிகரித்து வரும் தீவிரவாத போக்குகள் சிறுபான்மை குறிப்பாக முஸ்லிம் மக்கள் மத்தியில் அச்சத்தை ஏற்படுத்தியுள்ளதாக நீதியமைச்சர் ரவூப் ஹக்கீம் தெரிவித்துள்ளார்.
[ Saturday, 25-10-2014, 03:08.40 AM ]
வெளிநாடுகளுக்கு தப்பிச் சென்றிருந்த விடுதலைப் புலிகளின் உறுப்பினர்கள் மீ்ண்டும் நாடு திரும்பும் முயற்சியில் ஈடுபட்டுள்ளதாக புலனாய்வுப் பிரிவினர் எச்சரித்துள்ளனர்.
[ Saturday, 25-10-2014, 02:54.04 AM ]

தமிழக அப்பாவி மீனவர்களை விடுவிக்கும் நிதியத்தின் உறுப்பினர்கள் நேற்று ஜனதா கட்சியின் தலைவர் சுப்பிரமணியம் சுவாமியை சந்தித்துள்ளனர்.

[ Saturday, 25-10-2014, 02:27.31 AM ]
வடமராட்சி முள்ளி பகுதியிலுள்ள பற்றைக்குள் இருந்து உருக்குலைந்த நிலையில் பெண்ணொருவரின் சடலம் மீட்கப்பட்டுள்ளது.
[ Saturday, 25-10-2014, 01:48.34 AM ]
2015ம் ஆண்டுக்காக சமர்ப்பிக்கப்பட்டுள்ள வரவு- செலவுத்திட்டமானது 'செலவு' இலக்கங்களை மாற்றும் ஜில்மாட் திட்டமாகும் என்று ஐக்கிய தேசியக்கட்சியின் பிரதித்தலைவரும்  நாடாளுமன்ற உறுப்பினருமான சஜித் பிரேமதாஸ தெரிவித்தார்.
[ Saturday, 25-10-2014 03:00:41 GMT ]
குறுகிய காலத்தில் உலக நாடுகளை அச்சுறுத்தும் அமைப்பாக தோன்றியுள்ள ஐ.எஸ்.ஐ.எஸ் தீவிரவாதிகள், கோடீஸ்வரர்களாகவும் மாற்றமடைந்துள்ளனர்.
[ Friday, 24-10-2014 12:48:13 GMT ]
மழை பாதித்த மாவட்டங்களில் தனி அதிகாரிகளை நியமித்து நிவாரண பணிகளை முடுக்கி விடும்படி அதிகாரிகளுக்கு முதல்வர் ஓ. பன்னீர் செல்வம் உத்தரவிட்டுள்ளார்.
[ Friday, 24-10-2014 13:56:28 GMT ]
கிரிக்கெட் வரலாற்றில் முதன் முறையாக 2 அடுத்த போட்டிகளில் மொத்தம் 459 ஓட்டங்களை குவித்து சாதனை படைத்துள்ளார் ஆதித்யா கர்வால்.
[ Friday, 24-10-2014 13:16:51 GMT ]
தற்போது மாறி வரும் பருவ நிலையால் பலவித நோய்களின் அச்சுறுத்தல் அதிகரித்து வருகிறது.
[ Friday, 24-10-2014 03:25:25 GMT ]
நிருஷாந்த் அவர்கள் இயக்கி, ஒளிப்பதிவு செய்து வரும் குறும்படம் ரத்தச்சுவடு.
Advertisements
நாளாந்தம் மின்னஞ்சலில் செய்திகளை பெற

Enter your email address:

[ Friday, 24-10-2014 02:27:22 ]
1956 ம் ஆண்டிலிருந்து 60 வருடங்களாக இலங்கையில் தமிழ் இனம் சிந்திய இரத்தம், இழந்த உயிர்கள், உடமைகள் சொத்துக்கள் எண்ணி முடியாது.